नवी दिल्ली - तीस हजारी न्यायालयाच्या आवारात 2 नोव्हेंबरला पोलीस व वकिलांमध्ये शाब्दिक वादाला हिंसात्मक वळण लागले होते. त्या दिवशीचा एक व्हिडिओ समोर आला आहे. त्यामध्ये महिला पोलीस अधिकारी मोनिका भारद्वाज यांच्यासोबत वकिलाच्या पोषाखामध्ये असलेले काही लोक गैरवर्तन करत असल्याचे पाहायला मिळत आहे.
तीस हजारी प्रकरण : महिला अधिकाऱ्यांसोबत गैरवर्तन केल्याचा व्हिडिओ व्हायरल
एक पोलीस अधिकारी मोनिका यांना गर्दीमधून बाहेर काढत असल्याचे व्हिडिओमध्ये पाहायला मिळत आहे. यावेळी काही वकिलांच्या पोषाखामध्ये असलेले लोक त्यांच्या मागे येत असल्याचे दिसत आहे. तिस हजारी न्यायालयामध्ये पोलीस आणि वकील यांच्यात वाद झाला. घटनेची माहिती मिळताच मोनिका भारद्वाज घटनास्थळी दाखल झाल्या होत्या.