छत्तीसगढमध्ये सैनिकांकडून एकमेकावर गोळीबार, 1 जणांचा मृत्यू तर 2 जण जखमी

छत्तीसगढमधील फरेसगढमध्ये  सशस्त्र दलातील सैनिकांनी एकमेकावर गोळीबार केल्याची घटना शनिवारी घडली आहे.

बीजापूर - छत्तीसगढमधील फरेसगढमध्ये सशस्त्र दलातील सैनिकांनी एकमेकावर गोळीबार केल्याची घटना शनिवारी घडली आहे. एका सैनिकाने आपल्या दोन सहकारी सैनिकांवर गोळीबार केल्याची माहिती आहे. यामध्ये एका सैनिकाचा जागीच मृत्यू झाला असून दुसरा सैनिक गंभीर जखमी झाला असून त्याला रुग्णालयात दाखल करण्यात आले आहे.

या गोळीबारामध्ये मृत्यू पावलेल्या सैनिकाचे नाव रविरंजन असून जखमी झालेल्या सैनिकाचे नाव मोहम्मद शरीफ असल्याची माहिती आहे. आरोपी सैनिक दयाशंकर याने गोळीबार केल्यानंतर आत्महत्येचा प्रयत्न केला असून त्यांची स्थिती नाजूक आहे. एकमेकामध्ये वाद झाल्यानंतर ही घटना घडल्याची माहिती बस्तर अधिकारी पी. सुंदरराज यांनी दिली. वादाचे कारण अद्याप अस्पष्ट आहे.