कुशीनगर (उत्तर प्रदेश) - मजूरांना घेऊन जाणाऱ्या बसने, कांद्याने भरलेल्या ट्रकला धडक दिली. या अपघातात बसमधील १२ मजूर जखमी झाले आहेत. यातील ७ जणांची प्रकृती गंभीर असल्याचे समजते. हा अपघात राष्ट्रीय महामार्ग क्रमांक २८ वरील शाही पेट्रोल पंपाजवळ झाला.
कोरोनामुळे संपूर्ण देश लॉकडाऊन करण्यात आला आहे. यामुळे रोजंदारीवर काम करणाऱ्या मजूरांवर उपासमारीची वेळ आली आहे. याकारणाने मजूर आपापल्या गावी मिळेल त्या मार्गाने पोहोचण्यासाठी प्रयत्न करत आहेत. मजूरांना घेऊन एक बस नोएडावरून बिहारच्या भागरपूर येथे निघाली होती. राष्ट्रीय महामार्ग क्रमांक २८ वरील शाही पेट्रोल पंपाजवळ त्या बसचा अपघात झाला. बसने कांद्याच्या ट्रकला जोरदार धडक दिली.