चंदिगड - पंजाबमधील 'बर्गर किंग' या फास्ट फुडच्या दुकानाला ग्राहकाने चांगलाच हिसका दाखवला आहे. झाले असे की, मनीष कुमार नावाच्या एक ग्राहकाने बर्गर किंगमधून दोन व्हेज बर्गर ऑर्डर केले होते. मात्र, डिलीवरी बॉयने त्यांना नॉनव्हेज बर्गर आणून दिले होते. यावरून मनीष कुमार यांनी ग्राहक संरक्षण मंचामध्ये धाव घेतली होती.
ग्राहकाला व्हेज ऐवजी दिला नॉनव्हेज बर्गर; 'बर्गर किंग'ला ६० हजारांचा दंड
२०१८ साली मनीष कुमार जालंधर येथील बर्गर किंग या दुकानातून बर्गर ऑर्डर केले होते. मात्र, त्यांना व्हेज बर्गर ऐवजी नॉनव्हेज बर्गर देण्यात आला. नॉनव्हेज बर्गर खाल्ल्यानंतर कुमार यांची प्रकृती बिघडली होती, तसेच त्यांना उलट्याही झाल्या होत्या, असे त्यांचे म्हणणे आहे.