'सीएएला विरोध करणाऱ्यांनी पाकिस्तान किंवा बांगलादेशात जावं; नाहीतर अरबी समुद्रात जलसमाधी घ्या'

जे नागरिक सीएए कायद्याला विरोध करत आहेत. देशात आगी लावत आहेत, आणि पोलिसांना मारत आहेत, ते देशाचे शत्रू आहेत - भाजप आमदार

जयपूर - राजस्थानमधील भाजप आमदाराने नागरित्व सुधारणा कायद्याला विरोध करणाऱ्यांबाबत वादग्रस्त वक्तव्य केले आहे. तसेच राहुल गांधी, सोनिया गांधी आणि प्रियंका गांधी यांच्यावरही भाजप आमदार मदन दिलावर यांनी हल्ला केला आहे.

'जे लोक नागरिकत्व सुधारणा कायद्याला विरोध करत आहेत, त्यांना पाकिस्तान किंवा बांगलादेश आवडत असेल तर त्यांनी तिथं जावं. मात्र, या दोन्ही देशांना हे नागरिक नको असतील तर त्यांनी अरबी समुद्रात जलसमाधी घ्यावी, असे वक्तव्य मदन दिलावर यांनी केला आहे.जे नागरिक सीएए कायद्याला विरोध करत आहेत. देशात आगी लावत आहेत, आणि पोलिसांना मारत आहेत, ते देशाचे शत्रू आहेत. आंदोलकांना पाठिंबा देणारेही देशाचे शत्रू आहेत, मग त्या सोनिया गांधी असो राहुल गांधी किंवा प्रियांका गांधी असो, ते देशाचे शत्रू आहेत, असे वक्तव्य दिलावर यांनी केले आहे.