४-४ पिस्तुलं घेऊन भाजप आमदाराचा 'बंदूक डान्स', व्हिडिओ व्हायरल

भाजपाचे आमदार प्रणव सिंह चॅम्पियन यांचा एक व्हिडीओ सोशल मीडियावर व्हायरल झाला आहे.

नवी दिल्ली - उत्तराखंडमधील भाजपाचे आमदार प्रणव सिंह चॅम्पियन यांचा एक व्हिडीओ सोशल मीडियावर व्हायरल झाला आहे. या व्हिडिओमध्ये सिंह हातात बंदुका घेऊन दारुच्या नशेत डान्स करताना पाहायला मिळत आहेत.

'लांबा लांबा घूंघट काहे को डाला ...' या गाण्यावर प्रणव सिंह चॅम्पियन यांनी डान्स केला आहे. यावेळी त्यांच्या हातात दारुचा ग्लास आणि बंदुका आहेत. हा व्हिडीओ सध्या सोशल मिडीयावर व्हायरल होत आहे. यावेळी त्यांचे समर्थकही त्यांच्यासोबत नाचताना पाहायला मिळत आहेत.

पक्षाने प्रणव सिंह चॅम्पियन यांच्यावर जूनमध्ये तीन महिन्यांसाठी निलंबनाची कारवाई केली होती. प्रणव सिंह चॅम्पियन यांनी एका पत्रकाराला जीवे मारण्याची धमकी दिली होती. यावेळी संबधीत पत्रकाराने दिल्लीतील चाणक्यपुरी पोलीस ठाण्यात त्यांच्याविरोधात गुन्हा दाखल केला होता.