नवी दिल्ली -जगभरामध्ये कोरोनाने थैमान घातले असून भारतामध्येही कोरोनाचा प्रसार वाढत चालला आहे. कोरोना विषाणूवर जगभरातील संशोधक लस शोधत आहेत. कोरोनाविरोधातील या लढाईत आयुर्वेदाच्या माध्यमातून बाबा रामदेवही आपले योगदान देत आहेत. बाबा रामदेव यांनी आयुर्वेदासंबधी खास चर्चा ईटीव्ही भारतशी केली. तसेच या संकटात प्रत्येक बातमी लोकांपर्यंत पोहचवण्यासाठी कार्यरत असलेल्या ईटीव्ही भारतचे कौतुक केले.
बाबा रामदेव यांच्याशी आयुर्वेदासंबधी ईटीव्ही भारतने केलीखास चर्चा
कोरोना विषाणूपासून बचाव करण्यासाठी योगगुरु रामदेव बाबा यांनी स्वदेशी रामबाण उपाय सांगितले आहेत. कोरोनापासून बचाव करण्यासाठी आपल्याला शरिरातील प्रतिरोधक शक्ती वाढवावी लागेल. त्यासाठी आपण योग आणि आयुर्वेद स्वीकारले पाहिजे. योग आणि आयुर्वेदाद्वारे आपण कोरोनाचा सामना करू शकतो, असे ते म्हणाले.