नवी दिल्ली - ईशान्य दिल्लीत झालेल्या जातीय हिंसाचारात 'इंटेलिजन्स ब्युरो' या गुप्तचर विभागाच्या अधिकाऱ्याची हत्या करण्यात आली होती. या हत्येचा उलगडा करण्यात पोलिसांना यश आल्याची माहिती सुत्रांकडून मिळाली आहे. आरोपी मोमीन उर्फ सलमानने विशेष तपास पथकापुढे गुन्हा कबूल केल्याची माहिती एका अधिकाऱ्याने नाव उघड न करण्याच्या अटीवर दिली आहे.
फोनवरील संभाषणामुळं अंकित शर्माच्या खुनाचा उलगडा
सलमान आणि त्याच्या मित्रांनी मिळून अंकितची चाकूने भोकसून हत्या केल्याची माहिती त्याने चौकशीदरम्यान दिली आहे. विशेष पथक या प्रकरणी तपास करत असून त्याच्या मित्रांना पकडण्यासाठी छापेमारी करण्यात येत आहे.