कोझीकोड – सोन्याचे प्रमाण वाढत असताना तस्करीचेही प्रमाण वाढत असल्याचे चित्र आहे. हवाई दक्षता पथकाने (एआययू) कोझीकोड येथून 24 कॅरेटचे 1.69 किलो सोने प्रवाशाकडून जप्त केले आहे. या सोन्याची एकूण किंमत 86.69 लाख रुपये आहे.
कोझीकोड विमानतळावरून एका प्रवाशाकडून 86.69 लाखांचे सोने हवाई दक्षता पथकाने जप्त केले. हा प्रवासी सौदी अरेबियामधील रियाधवरून आलेल्या विमानाने कोझीकोड विमानतळावर 23 ऑगस्टला उतरला होता. ही माहिती कोची येथील सीमा शुल्काच्या (प्रतिबंधात्मक) आयुक्त कार्यालयाने दिली आहे. हे सोने प्रवाशाने बॅटरीमध्ये लपवून आणले होते.