देशांतर्गत विमान प्रवासासाठी आजपासून बुकिंग सुरू

आजपासून एअर इंडियाने देशांतर्गत उड्डाणांसाठी बुकिंग सुरू केले आहे. एअर इंडियाने टि्वट करून ही माहिती दिली आहे. येत्या 25 मे पासून देशांतर्गत प्रवासी विमान सेवा सुरू होणार आहेत.

नवी दिल्ली - देशात सध्या चौथा लॉकडाऊन सुरू आहे. आजपासून एअर इंडियाने देशांतर्गत उड्डाणांसाठी बुकिंग सुरू केले आहे. एअर इंडियाने टि्वट करून ही माहिती दिली आहे. येत्या 25 मे पासून देशांतर्गत प्रवासी विमान सेवा सुरू होणार आहेत.

देशांतर्गत उड्डाणांसाठी तिकिट बुकिंग सुरू झाले आहे. आज दुपारी 12.30 पासून देशांतर्गत उड्डाणांसाठी तिकिट बुकिंग सुरू करण्यात आले आहे. एअर इंडियाचे तिकिट बुकिंग करणाऱ्या ग्राहकांना कंपनीच्या वेबसाइट वर जाऊन तिकिट बुक करावे, किंवा ट्रॅव्हल एजंटद्वारे करता येईल. तिकिट बुकिंगविषयी अधिक माहिती ग्राहक सेवांद्वारे देण्यात येत आहे, असे टि्वट एअर इंडियाने केले आहे.

सर्वच विमान कंपन्यांची सेवा सुरू-

बुकिंग सेवा ही केवळ एअर इंडियानेच नव्हे तर इतर सर्व विमान कंपन्यांनी देखील सुरू केली आहे. केंद्रीय मंत्री हरदीप पुरी यांनी गुरुवारी पत्रकार परिषदेत देशांतर्गत उड्डाणांची माहिती दिली होती. २५ मे पासून देशांतर्गत प्रवासी विमान सेवा सुरू होणार आहे. विमान उड्डाणाच्या नियोजित वेळेच्या दोन तास आधी प्रवाशांना विमानतळावर पोहोचावे लागेल. तसेच प्रवाशांना मास्क आणि ग्लोव्हज घालणे बंधनकारक असेल, आदी मार्गदर्शकतत्वे एअरपोर्ट अथॉरिटी ऑफ इंडियाकडून जारी करण्यात आले आहेत.