ऑगस्टा वेस्टलँड प्रकरणात राजीव सक्सेना यांना अंतरिम जामीन

विशेष न्यायाधीश अरविंद कुमार यांनी सक्सेना यांना दोन लाख रुपयांच्या वैयक्तिक बाँडवर आणि तितक्याच रकमेच्या हमीवर सुनावणीच्या पुढील तारखेपर्यंत अंतरिम जामीन मंजूर केला. त्यांच्या जामीनअर्जाला तपास यंत्रणेने तीव्र विरोध दर्शविला होता. आता हे प्रकरण 11 डिसेंबर रोजी सुनावणीला येईल.

नवी दिल्ली - केंद्रीय अन्वेषण विभाग (सीबीआय) चौकशी करत असलेल्या 3 हजार 600 कोटी रुपयांच्या ऑगस्टा वेस्टलँड व्हीव्हीआयपी हेलिकॉप्टर घोटाळ्यातील आरोपी असलेले आणि नंतर सरकारी साक्षीदार बनलेल्या राजीव सक्सेना यांना दिल्लीच्या न्यायालयाने शुक्रवारी अंतरिम जामीन मंजूर केला.

विशेष न्यायाधीश अरविंद कुमार यांनी सक्सेना यांना दोन लाख रुपयांच्या वैयक्तिक बाँडवर आणि तितक्याच रकमेच्या हमीवर सुनावणीच्या पुढील तारखेपर्यंत अंतरिम जामीन मंजूर केला. त्यांच्या जामीन अर्जाला तपास यंत्रणेने तीव्र विरोध दर्शविला होता. आता हे प्रकरण 11 डिसेंबर रोजी सुनावणीला येईल.

सीबीआयने 19 सप्टेंबर रोजीया प्रकरणात कथित मध्यस्थ ख्रिश्चन मिशेल आणि सक्सेना यांच्यासह 15 आरोपींविरुद्ध पूरक आरोपपत्र दाखल केले. त्यानंतर न्यायालयाने याची दखल घेत आरोपींना 23 ऑक्टोबरला समन्स बजावले होते.

हेही वाचा -भारत-अमेरिकेदरम्यान 27 ऑक्टोबरला नवी दिल्लीत 'टू-प्लस-टू' चर्चा

सक्सेना आणि इतर काही आरोपी शुक्रवारी व्हिडीओ कॉन्फरन्सिंगद्वारे हजर झाले. सुनावणीदरम्यान जे उपस्थित राहिले, त्यांची जामिनावर सुटका करण्यात आली. तर इतरांनी सूट मिळण्यासाठी अर्ज केला.

हे प्रकरण इटलीच्या संरक्षण उत्पादकांपैकी दिग्गज कंपनी फिनमेकेनिकाने (आता लिओनाड्रे म्हणून ओळखली जाते) तयार केलेल्या 12 एडब्ल्यू-101 या अंदाजे 3,600 कोटी रुपये किमतीच्या व्हीव्हीआयपी हेलिकॉप्टरच्या खरेदी करण्याशी संबंधित आहे. या करारात मध्यस्थ आणि इतरांना या लाच दिल्याचा आरोप आहे. 2010मध्ये तत्कालीन यूपीए सरकारने या खरेदीला मंजुरी दिली होती.

हेही वाचा -देशातील सर्वाधिक प्रदूषित शहरांमध्ये लखनऊ तिसर्‍या क्रमांकावर