मुंबई -आज पहाटे साडेचारच्या सुमारास मुंबई पुणे रेल्वे मार्गावर मालगाडीचे डबे घसरल्याची घटना घडली आहे. या अपघातामुळे मुंबई-पुणे रेल्वे सेवा विस्कळीत झाली आहे. इंटरसिटी, डेक्कन एक्स्प्रेससह काही गाड्या रद्द करण्यात आल्या आहेत.
कर्जतजवळील घाट परिसरातील जामरुंग व ठाकूरवाडी स्थानकादरम्यान मालगाडीचे काही डबे घसरले आहेत. या अपघातामुळे मुंबई-पुणे रेल्वे सेवा विस्कळीत झाली असून इंटरसिटी, डेक्कन एक्स्प्रेससह काही गाड्या रद्द करण्यात आल्या आहेत. मालगाडीचे ५ ते ६ डबे घसरल्याचीही माहिती समोर आली आहे.
या ठिकाणी हे डबे हटवण्याचे काम हाती घेण्यात आले आहे. या अपघातामुळे लांब पल्ल्याच्या मुंबईहून पुणेमार्गे जाणाऱ्या ट्रेन्स या इगतपुरी मार्गे वळवण्यात आल्या आहेत. तर भुसावळ ते पुणे एक्स्प्रेसची यात्रा नाशिक रोड स्थानकात संपवण्यात आल्या असल्याची माहिती मध्य रेल्वेने ट्विटरद्वारे दिली आहे. इतर दोन लाईन सुरू असून बाधित लाईनच काम पूर्ण होत आल्याचं पीआरोनी सांगितले आहे.