नवी दिल्ली -मनुष्याला लाजवेल अशी कृती एका कावळ्याने केल्याचा व्हिडिओ पाहून तुम्ही पण दंग व्हाल. बहूतेकवेळा माणसं हातातील कचरा हा कचराकुंडीमध्ये न टाकता बाहेर फेकतात. मात्र एका कावळ्याने कचरा उचलून कचराकुंडीमध्ये टाकला आहे. या घटनेचा व्हिडिओ सोशल मिडियावर जोरदार व्हायरल होत आहे.
व्हिडिओमध्ये कावळ्याच्या चोचीमध्ये एक रिकामी बाटली असल्याचे पाहायला दिसते. कावळा ती पेयाची रिकामी बाटली कचराकुंडीमध्ये टाकतो. या व्हिडिओला लोकांनी पसंत केले असून हा व्हिडिओ सोशल मीडियावर मोठ्या प्रमाणात व्हायरल होत आहे.