लंडन - ब्रिटनचे पंतप्रधान बोरिस जॉन्सन यांनी नवा ब्रेग्झिट करार मिळाल्याची माहिती टि्वट करून दिली आहे. युरोपियन युनियन (ईयू) आणि ब्रिटनमध्ये गेल्या काही दिवसांपासून या करारांवर चर्चा सुरू होती. सध्या सर्व समस्या सुटल्या असल्याचा दावा त्यांनी केला आहे.
आम्हाला नवा ब्रेग्झिट करार मिळाला आहे. जो आम्हाला पुन्हा आमची शक्ती परत करेल. शनिवारी संसद या कराराला मंजूरी देईल आणि त्यानंतर आम्ही पुढची प्रकिया पुर्ण करू, असे बोरिस यांनी टि्वटमध्ये म्हटले आहे. दरम्यान बोरिस यांनी ३१ ऑक्टोबरपर्यंत हा ब्रेग्झिट करार पुर्ण करणार असे म्हटले होते.