छत्तीसगड : बेमेतरामधील भीषण अपघातात 8 जणांचा मृत्यू

घटनेची माहिती मिळताच मोहभट्टा येथील स्थानिकांनी बुडलेल्या लोकांना तलावातून बाहेर काढून जिल्हा रुग्णालयात पोहोचवले. तेथे सर्वांना मृत घोषित करण्यात आले.

बेमेतरा - बेमेतरामध्ये झालेल्या भीषण अपघातात 8 जणांचा मृत्यू झाला. चालकाचे चारचाकी वाहनावरील नियंत्रण सुटल्याने हा अपघात झाला. चारचाकी अनियंत्रित होऊन रस्त्यावरून थेट तलावात पडली. चारचाकीतील आठही जणांचा जागीच मृत्यू झाला. मोहभट्ठा पोलीस ठाणे क्षेत्रात ही घटना घडली. मृतांमध्ये चार पुरुष, तीन महिला आणि एका लहान मुलाचा समावेश आहे.

घटनेची माहिती मिळताच मोहभट्टा येथील स्थानिकांनी बुडलेल्या लोकांना तलावातून बाहेर काढून जिल्हा रुग्णालयात पोहोचवले. तेथे सर्वांना मृत घोषित करण्यात आले.

पोलीस करताहेत तपास

जिल्हाधिकारी शिखा राजपूत तिवारी, पोलीस अधीक्षक प्रशांत ठाकूर, टीआय राजेश मिश्रा घटनास्थळी पोहोचले. मृत सर्वजण नवागढ ब्लॉकच्या पोस्ट नांदल येथील ग्राम देवरीचे रहिवासी आहेत. नवागढ पोलीस ठाण्याचे एस. एस. आय. नासिर खान यांनी देवरी येथे जाऊन मृतांच्या नातेवाईकांशी बातचित केली. पोलीस या प्रकरणी अधिक तपास करत आहेत. चारचाकीचा नंबर CG-10 FA 7585 आहे.