प्रयागराज-लखनऊ महामार्गावर अपघात; नऊ ठार

प्रयागराज-लखनऊ महामार्गावर झालेल्या भीषण अपघातात नऊ जणांचा जागीच मृत्यू झाला. कार आणि ट्रकची समोरासमोर धडक झाल्याने हा अपघात घडला. मृतांमध्ये ४ पुरूष, ३ महिला आणि दोन लहान मुलांचा समावेश आहे.

लखनऊ: प्रयागराज-लखनऊ महामार्गावर झालेल्या भीषण अपघातात नऊ जणांचा जागीच मृत्यू झाला. कार आणि ट्रकची समोरासमोर धडक झाल्याने हा अपघात घडला. वाजीदपूर गावानजीक आज सकाळी हा अपघात झाला.

मृतांमध्ये ४ पुरूष, ३ महिला आणि दोन लहान मुलांचा समावेश आहे. मृत्यू झालेले नागरिक राजस्थानमध्ये काम करत होते. लॉकडाऊन शिथिल झाल्याने ते सर्व बिहारला आपल्या गावी परत जात असतानाच हा अपघात झाला. पोलिसांनी सर्व मृतदेह ताब्यात घेऊन जिल्हा रुग्णालयात शवविच्छेदनासाठी पाठवले आहेत.