तिरूवअनंतपूरम - केरळमध्ये कोरोनाचा प्रसार नियंत्रणात येत असल्याचे दिसून येत आहे. राज्यात आज दिवसभरात तब्बल 36 रुग्ण बरे झाले असून फक्त 2 नवे कोरोनाग्रस्त आढळून आले आहे. ही राज्याची चिंता कमी करणारी बातमी आहे. राज्याच्या आरोग्य मंत्री के. के. शैलजा यांनी ही माहिती दिली आहे.
गुड न्यूज: केरळात दिवसभरात 36 जण कोरोनामुक्त, नव्या रुग्णसंख्येत घट - केरळ कोरोना बातमी
राज्यात आत्तापर्यंत 364 कोरोनाचे रुग्ण आढळून आले असून 123 जण पूर्णता बरे झाले आहेत. तर 2 जणांचा मृत्यू झाला आहे.
पिनराई विजयन
राज्यात आत्तापर्यंत 364 कोरोनाचे रुग्ण आढळून आले असून 123 जण पूर्णता बरे झाले आहेत. तर 2 जणांचा मृत्यू झाला आहे. राज्यात सुरवातीला कोरोनाग्रस्तांची संख्या वाढली होती. मात्र, राज्य सरकारकडून राबविण्यात आलेल्या उपाय योजनांना यश आल्याचे दिसून येत आहे. मात्र, राज्यात अजूनही 1 लाख 16 हजार 941 जण देखरेखीखाली ठेवण्यात आले आहेत. 816 रुग्णालयांत त्यांची व्यवस्था करण्यात आली आहे. राज्याचे मुख्यमंत्री पिनराई विजयन यांनीही ट्विटरद्वारे माहिती दिली आहे.
देशभरात कोरोनाचे 8 हजार 356 रुग्ण आढळून आले आहेत. तर 273 जणांचा मृत्यू झाला आहे. दिलासादायक बाब म्हणजे 716 जण पूर्णत: बरे झाले आहेत. युरोपीयन देशांपेक्षा भारतामधील परिस्थिती चांगली आहे. अमेरिकेमध्ये कोरोनाचे 5 लाखांपेक्षा जास्त रुग्ण आढळून आले आहे.