भोपाळ - मध्य प्रदेशच्या पन्नामध्ये बस पलटून दोन विद्यार्थ्यांचा दुर्दैवी अंत झाला आहे. या दुर्घटनेमध्ये २१ लोक जखमी झाले आहेत. पन्ना जिल्ह्याच्या रामखिरिया गावाजवळ आज सकाळी हा अपघात झाला.
मध्य प्रदेशात बस पलटली; दोन विद्यार्थ्यांचा दुर्दैवी अंत, २१ जखमी..
पोलीस उपनिरिक्षक सिद्धार्थ शर्मा यांनी दिलेल्या माहितीनुसार, ही बस पहाडीखेडा गावावरून पन्ना गावाकडे निघाली होती. सकाळी १०.३० च्या दरम्यान या बसला अपघात झाला. यामध्ये अकरावीत शिकणाऱ्या दोन विद्यार्थ्यांचा मृत्यू झाला आहे. राम भरोसे आणि लक्ष्मण यादव अशी या विद्यार्थ्यांची नावे आहेत. हे दोघेही गजना धर्मपूर गावातील रहिवासी आहेत. या दुर्घटनेनंतर बसचालक पळून गेला आहे, त्याचा शोध घेणे सुरू असल्याची माहिती शर्मा यांनी दिली.