जयपूर - बालविवाह करण्यास भाग पाडणाऱ्या वडिलांच्या विरोधात तक्रार करण्यासाठी एका पंधरा वर्षीय मुलीने थेट मुख्यमंत्री अशोक गेहलोत यांचा दरवाजा ठोठावला. राजस्थानच्या टोंक जिल्ह्यातील ही मुलगी आहे.
ही पंधरा वर्षीय मुलगी सोमवारी आपल्या काकांसोबत गेहलोतांच्या 'जन सुनवाई' या कार्यक्रमात पोहोचली. वडील लग्न करण्यासाठी आपल्यावर दबाव टाकत असल्याचे तिने मुख्यमंत्र्यांना सांगितले. तक्रारदार मुलीच्या आईचा मृत्यू झालेला आहे, अशी माहिती मंत्रालयातील अधिकाऱ्याने दिली.