बारामती- कोरोनाच्या वैश्विक संकटात अहोरात्र आपले कर्तव्य बजावणाऱ्या अत्यावश्यक सेवेतील कोरोना योद्ध्यांकरिता बारामती अॅग्रोचे सीईओ व आमदार रोहित पवार यांच्या संकल्पनेतून बारामती अॅग्रोतर्फे ‘उर्जा’ हा उपक्रम राबवण्यात येत आहे. कोरोनाच्या या दुसऱ्या लाटेच्या कालावधीत पार पडलेल्या थोर व्यक्तीमत्वांच्या जयंतीनिमित्त स्मरण म्हणून हा उपक्रम राबवण्यात येत असून या उपक्रमांतर्गत बारामती अॅग्रोतर्फे सामाजिकी बांधिलकीतून तालुक्यातील आरोग्य यंत्रणा, पोलीस, महसूल यासारख्या प्रशासनात कार्यरत कोरोना योद्ध्यांसाठी ‘ओआरएस एनर्जी ड्रिंक’ देण्यात आले. सोमवारी हे ओआरएस एनर्जी ड्रिंक आमदार रोहित पवार यांच्या हस्ते पंचायत समिती सभागृह येथे तहसीलदार नानासाहेब आगळे यांच्याकडे सुपूर्द करण्यात आले.
कर्जतमधील कोरोना योद्ध्यांना बारामती अ‌‌‌ॅग्रोची 'ऊर्जा' - baramati agro news
कोरोनाच्या दुसऱ्या लाटेच्या कालावधीत पार पडलेल्या थोर व्यक्तीमत्वांच्या जयंतीनिमित्त स्मरण म्हणून हा उपक्रम राबवण्यात येत असून या उपक्रमांतर्गत बारामती अॅग्रोतर्फे सामाजिकी बांधिलकीतून तालुक्यातील आरोग्य यंत्रणा, पोलीस, महसूल यासारख्या प्रशासनात कार्यरत कोरोना योद्ध्यांसाठी ‘ओआरएस एनर्जी ड्रिंक’ देण्यात आले.
कर्जतमधील कोरोना योद्धाना बारामती अँग्रोची 'ऊर्जा'
नाविण्यपूर्ण उपाययोजना
कोरोनाचा प्रार्दुभाव रोखण्यासाठी नाविण्यपूर्ण उपाययोजना आमदार रोहित पवार आपल्या कर्जत मतदारसंघात राबवत आहेत. केवळ आपल्या कर्जत मतदारसंघापुरतेच मर्यादित न राहता राज्यस्तरावरही आमदार रोहित पवार विविध प्रयत्न करत आहेत. दरम्यान एकीकडे रुग्णसेवेसाठी कार्यरत असतानाच कोरोना विरुद्धच्या या लढाईत अहोरात्र आपले कर्तव्य बजावून समाजाच्या संरक्षणाची ढाल होत कार्य करणाऱ्या कोरोना योद्ध्यांसाठीदेखील आमदार रोहित पवार यांच्यातर्फे बारामती अॅग्रोच्या माध्यमातून ‘उर्जा’ हा उपक्रम राबवण्यात येत आहे.
एक आदर्शवत ‘ऊर्जा’
कोरोनाची दुसरी लाट सुरू झाल्यानंतरच्या या कालावधीत, माता रमाबाई आंबेडकर, संत सेवालाल, छ. शिवाजी महाराज, संत गाडगेबाबा, सुभेदार मल्हारराव होळकर, स्वराज्यसंकल्पक शहाजीराजे भोसले, महात्मा ज्योतिबा फुले, भारतरत्न डॉ. बाबासाहेब आंबेडकर, राष्ट्रसंत तुकडोजी महाराज, महाराणा प्रताप, छ. संभाजी महाराज यांच्या जयंती पार पडल्या. तर येत्या काही दिवसात असणारी राजमाता पुण्यश्लोक अहिल्यादेवी होळकर यांची जयंती होय. या थोर व्यक्तीमत्त्वांनी समाजासाठी कार्य करून राष्ट्रशक्तीची ज्योत माणसामाणसांमध्ये लावली, एक आदर्शवत ‘ऊर्जा’ आपल्या प्रत्येकामध्ये या थोर व्यक्तीमत्वांनी निर्माण केली. या महान व्यक्तीमत्वांचे स्मरण म्हणून ‘ऊर्जा’ हा उपक्रम आमदार रोहित पवार यांच्या ‘बारामती अॅग्रो’तर्फे राबवण्यात येत आहे.
सामाजिक बांधिलकीतून...
आरोग्यविषयक काळजी व सद्भावनेतूनच बारामती अॅग्रोतर्फे सामाजिक बांधिलकीतून ‘उर्जा’ उपक्रमांतर्गत कर्जत तालुक्यातील आरोग्य यंत्रणा, पोलीस, महसूल यासारख्या प्रशासनात कार्यरत कोरोना योद्ध्यांसाठी ‘ओआरएस एनर्जी ड्रिंक’ देण्यात आले. काही दिवसांवरच पावसाळा सुरू होत असून या वातावरणीय बदलामुळे रोगराईची साथ पसरते तेव्हा अशा परिस्थितीत प्रतिकारशक्ती सुदृढ राहावी, यासाठी हे ‘ओआरएस एनर्जी ड्रिंक’ या कोविड योद्ध्यांसाठी देण्यात आले. यावेळी प्रांत अधिकारी अर्चना नष्टे, तहसीलदार नानासाहेब आगळे, मुख्याधिकारी गोविंद जाधव, गटविकास अधिकारी अमोल जाधव, वरिष्ठ पोलीस निरीक्षक चंद्रशेखर यादव, उपजिल्हा रुग्णालयाच्या वैद्यकीय अधिकारी डॉक्टर सोनाली बांगर यांच्यासह इतर अधिकारी, कर्मचारी व मान्यवर उपस्थित होते.