Ramdev Baba Furious on Journalist : पेट्रोलच्या वाढत्या किमतींवर प्रश्न विचारताच रामदेव बाबा भडकले; म्हणाले, 'आता शांत व्हा, नाहीतर...'

योगगुरू बाबा रामदेव एका कार्यक्रमात सहभागी होण्यासाठी कर्नाल येथे पोहोचले. यादरम्यान पेट्रोल आणि डिझेलच्या वाढत्या किमतींवर विचारण्यात आलेल्या प्रश्नावर भडकलेल्या योगगुरू बाबा रामदेव यांनी पत्रकारांना 'आता शांत व्हा, नाहीतर बरे होणार नाही' असे म्हटले आहे. ( Baba Ramdev Furious on Journalist )

कर्नाल (हरियाणा) - योगगुरू बाबा रामदेव बुधवारी हरियाणाच्या करनाल जिल्ह्यात पोहोचले. यावेळी बाबा रामदेव यांनी काश्मीर फाइल्स चित्रपटाबाबत राजकीय पक्षांवर जोरदार निशाणा साधला. योगगुरू स्वामी रामदेव म्हणाले की, काश्मीरमधील लोकांवर दीर्घकाळापासून अत्याचार होत आहेत. द काश्मीर फाइल्स या चित्रपटात या तोडफोडीचे स्पष्टपणे चित्रण करण्यात आले आहे. क्षुल्लक राजकारणाचा हा परिणाम आहे. त्याचवेळी पेट्रोल आणि डिझेलच्या वाढत्या किमतींबाबत पत्रकाराने विचारलेल्या प्रश्नावर बाबा रामदेव भडकले आणि त्यांनी पत्रकारांना 'आता शांत व्हा, नाहीतर बरे होणार नाही' असे म्हटले आहे. ( Baba Ramdev Furious on Journalist ) यावेळी ते पत्रकारावर चांगलेच भडकले होते.

रामदेव बाबा यांनी पत्रकाराला रागात म्हटले -मोदी सरकार आल्यावर वाढती महागाई, पेट्रोल-डिझेल 40 रुपये लिटर आणि एलपीजी सिलिंडर 300 रुपयांना मिळणार असल्याच्या त्यांच्या जुन्या दाव्यांवर बाबा रामदेव यांना प्रश्न विचारण्यात आला असता, त्यांनी आधी भन्नाट उत्तरे देऊन पत्रकारांना टाळण्याचा प्रयत्न केला. यात यश आले नाही तेव्हा बाबा रामदेव संतापले आणि त्यांनी उडवाउडवीची उत्तरे द्यायला सुरुवात केली. इतकेच नाही तर रामदेव बाबा यांनी पत्रकाराला रागात म्हटले की, आता गप्प बस, नाहीतर बरं होणार नाही.