अटलुरी राममोहन राव यांच्यावर अंत्यसंस्कार.. अश्रूनयनांनी दिला निरोप

भारत बायोटेकचे सीएमडी डॉ कृष्णा एला, जेएमडी डॉ सुचित्रा एला, माजी केंद्रीय मंत्री सुजाना चौधरी, आमदार मंचिरेड्डी किशन रेड्डी, निर्माते चदलावदा श्रीनिवास राव, प्रसन्न कुमार आणि इतरांनी दिवंगत अटलुरी राममोहन राव यांना श्रद्धांजली वाहिली. Atluri Ramamohana Raos last rites

हैदराबाद (तेलंगणा): रामोजी ग्रुप ऑफ कंपनीजचे माजी एमडी अटलुरी राममोहन राव Atluri Ramamohana Rao यांच्या पार्थिवावर रविवारी अंत्यसंस्कार करण्यात आले. त्यांनी अनेक वर्षे रामोजी फिल्म सिटी आणि इनाडू न्यूजपेपरसाठी एमडी म्हणून काम पहिले. ज्युबिली हिल्स येथील महाप्रस्थानम येथे झालेल्या अंत्यसंस्कारात रामोजी ग्रुप ऑफ कंपनीचे कर्मचारी, नातेवाईक आणि हितचिंतक मोठ्या संख्येने सहभागी झाले होते. Atluri Ramamohana Raos last rites

तत्पूर्वी, अनेक मान्यवरांनी रामामोहन राव यांना त्यांच्या ज्युबली हिल्स निवासस्थानी भावपूर्ण श्रद्धांजली वाहिली. भारत बायोटेकचे सीएमडी डॉ कृष्णा एला, जेएमडी डॉ सुचित्रा एला, माजी केंद्रीय मंत्री सुजाना चौधरी, आमदार मंचिरेड्डी किशन रेड्डी, निर्माते चदलावदा श्रीनिवास राव, प्रसन्न कुमार आणि इतरांनी त्यांना श्रद्धांजली वाहिली. त्यानंतर त्यांच्या निवासस्थानापासून महाप्रस्थानपर्यंत काढण्यात आलेल्या अंत्ययात्रेत नातेवाईक आणि हितचिंतक सहभागी झाले होते.

अटलुरी राममोहन राव (87) यांचे शनिवारी हैदराबाद येथील एआयजी रुग्णालयात निधन झाले. रामोजी ग्रुप ऑफ कंपनीशी ते दीर्घकाळ निगडीत होते. त्यांचा जन्म 1935 मध्ये कृष्णा जिल्ह्यातील पेडापरुपुडी येथे झाला. त्यांनी 1975 मध्ये ईनाडूमधून आपल्या कारकिर्दीला सुरुवात केली. रामोजी ग्रुपचे अध्यक्ष रामोजी राव हे राममोहन राव यांचे बालपणीचे मित्र आहेत.