Assam Flood : पुरस्थिती गंभीर, 14 जणांचा मृत्यू

आसाममधील पूरस्थिती गंभीर ( Assam Flood ) असून आतापर्यंत मृतांचा आकडा 14 वर पोहोचला आहे. राज्य आपत्ती व्यवस्थापन पथकाच्या म्हणण्यानुसार, धोक्याच्या ठिकाणी एकूण 343 मदत शिबिरे आणि 411 मदत वितरण केंद्रे सुरू करण्यात आली आहेत. आतापर्यंत 86 हजार 772 नागरिक या मदत छावण्यांमध्ये राहत आहेत.

गुवाहाटी (आसाम) -आसाममधील पूरस्थिती ( Assam Flood ) गंभीर असून शनिवारी ( दि. 21 मे ) सकाळी पूर आणि भूस्खलनामुळे मृतांची संख्या 14 वर पोहोचली आहे. आसाम सरकारच्या आपत्ती व्यवस्थापन पथकाने दिलेल्या माहितीनुसार भूस्खलनामुळे पाच लोक मरण पावले आहेत तर पुरामुळे मृतांची संख्या नऊ झाली आहे.

आसाम येथील पूरस्थिती

लाखो नागरिकांना फटका - पुराच्या पाण्यात 29 जिल्ह्यांतील 3 हजार 246 गावे अंशत: किंवा पूर्णत: बुडाली आहे. स्त्रिया आणि मुलांसह एकूण 8 लाख 39 हजार 691 लोक बाधित झाले आहेत. आसाम राज्य आपत्ती व्यवस्थापन प्राधिकरण ( ASDMA ) च्या अंदाजानुसार, पुरामुळे 6 हजार 248 घरांचे पूर्ण नुकसान झाले असून 36 हजार 845 घरांचे अंशतः नुकसान झाले आहे. याशिवाय पुराच्या पाण्याने अनेक ठिकाणचे पूल आणि बंधारे वाहून गेल्याने रस्ते, दळणवळणावर परिणाम झाला आहे. आपत्ती व्यवस्थापनाच्या अधिकाऱ्यांनी सांगितले की, 1 लाख 732.43 हेक्टर शेतजमीनही पुराच्या पाण्याखाली गेली आहे. काही भागातील उभ्या पिकांवर परिणाम झाला आहे.

आसाम येथील पूरस्थिती

24 मेट्रिक टन खाद्यपदार्थ वायुसेनेच्या मदतीने पोहोचवले - आसाम राज्य आपत्ती व्यवस्थापनाच्या ( ASDMA ) अधिकाऱ्यांनी सांगितले, भारतीय वायुसेनेच्या ( Indian Air Force ) मदतीने गेल्या दोन दिवसांत, दिमा हासाओ जिल्ह्यातून अडकलेल्या एकूण 269 लोकांना सिलचरमध्ये सुरक्षित पोहोचवण्यात आले आहे. पुराशी सामना करण्यासाठी आसाम सरकारने अतिरिक्त निधीही दिला आहे. सरकारने मागील दोन दिवसांत वायुसेनेच्या मदतीने 24 मेट्रिक टन खाद्यपदार्थ दिमा हासाओ जिल्ह्यात पोहोचवले आहे. राज्य आपत्ती व्यवस्थापन पथकाच्या म्हणण्यानुसार, सरकारने सर्व प्रभावित भागात 343 मदत शिबिरे आणि 411 मदत वितरण केंद्रे उघडली आहेत. एकूण 86 हजार 772 लोक या मदत छावण्यांमध्ये राहत आहेत.

आसाम येथील पूरस्थिती

हेही वाचा -6 people died in Gujarat : तीन ट्रक आणि कार यांच्यात भीषण अपघात, रसायनाने पेट घेतल्याने सहा ठार