कोटद्वार(उत्तराखंड) :अंकिता भंडारी खून प्रकरणात (Ankita Bhandari Murder Case) कोटद्वार पोलिसांची सातत्याने कारवाई सुरू आहे. पोलिसांनी तिन्ही आरोपींना अटक करून न्यायालयात हजर केले. तेथून आरोपींना १४ दिवसांच्या पोलिस कोठडीवर कारागृहात पाठवण्यात आले आहे. चौकशीनंतर पोलिसांनी आरोपींची रवानगी पौरी जिल्हा कारागृहात केली आहे. रिसॉर्टमधील या घटनेनंतर सीएम धामीही अॅक्शनमध्ये आहेत.
उत्तराखंडमधील पौडी गढवाल जिल्ह्यातील 19 वर्षीय अंकिता भंडारी हत्या प्रकरणात भाजप नेते (BJP Leader) आणि माजी राज्यमंत्री विनोद आर्य यांचा मुलगा पुलकित आर्य (Pulkit Arya) याला पोलिसांनी अटक केली आहे. पुलकितसोबत त्याचे आणखी दोन साथीदार अंकित उर्फ पुलकित गुप्ता आणि सौरभ भास्कर यांनाही अटक करण्यात आली आहे.
कोण आहे अंकिता भंडारी? -19 वर्षीय अंकिता 18-19 सप्टेंबरपासून बेपत्ता होती. 19 सप्टेंबर रोजी सकाळी अंकिता तिच्या खोलीत दिसली नाही. तिचे वडील रिसॉर्टमध्ये पोहोचले आणि कर्मचाऱ्यांची चौकशी केली. मुलीचा शोध न लागल्याने हरवल्याची तक्रार दाखल करण्यात आली. बेपत्ता झालेल्यांचा शोध घेण्यासाठी सोशल मीडियावर मोहीम सुरू होती. यावर डीजीपी अशोक कुमार म्हणाले, पोलिसांकडे याबाबत हरवल्याची तक्रार नोंदवण्यात आली होती, यानंतर 24 तासात मुख्य आरोपी पुलकित आर्यसह तीन आरोपींना लक्ष्मण झुला पोलिसांनी अटक केली आहे. या तीन आरोपींनी अंकिताला टेकडीवरून खाली नदीत ढकलून तिची हत्या केल्याचा आरोप आहे. अंकिता पौरी गढवाल जिल्ह्यातील यमकेश्वर भागातील एका खासगी रिसॉर्टमध्ये रिसेप्शनिस्ट होती. हे रिसॉर्ट पुलकित आर्य यांचे आहे. पोलिसांनी रिसॉर्ट सील केले आहे. येथे महिलांनी पोलिस व्हॅन अडवून आरोपींना मारहाण केली. स्थानिकांनी पुलकित आर्यच्या रिसॉर्टचीही तोडफोड केली.
भाजप नेत्याचा मुलगा आरोपी :भाजप नेत्याचा मुलगा पुलकित आर्य यालाही या प्रकरणी अटक करण्यात आली आहे. पुलिकत आर्य हा विनोद आर्य यांचा मुलगा आहे. विनोद आर्य हे भाजपमधील प्रसिद्ध नाव आहे. सध्या ते ओबीसी मोर्चाच्या राष्ट्रीय कार्यकारिणीचे सदस्य आहेत. यासोबतच ते यूपीचे सहप्रभारी आहेत. त्यांचा दुसरा मुलगा अंकित आर्य यालाही राज्यमंत्रिपद मिळाले आहे. तीरथसिंह रावत मुख्यमंत्री असताना अंकित आर्य यांना राज्य मागास आयोगात उपाध्यक्षपद देण्यात आले होते.
सीएम धामी यांचे निर्देश :मुख्यमंत्री पुष्कर सिंह धामी यांनी उत्तराखंडमध्ये कार्यरत असलेल्या सर्व रिसॉर्ट्सची चौकशी करण्याच्या सूचना जिल्हाधिकाऱ्यांना दिल्या आहेत. त्याचबरोबर जे रिसॉर्ट बेकायदेशीर बनले आहेत किंवा बेकायदेशीरपणे सुरू आहेत त्यांच्यावर तातडीने आवश्यक कारवाई करावी, असेही ते म्हणाले. राज्यभरात असलेल्या हॉटेल्स, रिसॉर्ट्स, गेस्ट हाऊस आदींमध्ये काम करणाऱ्या कर्मचाऱ्यांकडूनही त्यांच्या स्थितीची माहिती घेण्यात यावी आणि समोर येणाऱ्या तक्रारींचीही गांभीर्याने दखल घेण्यात यावी, असे आदेश मुख्यमंत्र्यांनी दिले आहेत.
