ऋषिकेश :बॉलिवूड मेगास्टार अमिताभ बच्चन सध्या 'गुड बाय' चित्रपटाच्या शूटिंगसाठी उत्तराखंडमध्ये आहेत. या चित्रपटाचे चित्रीकरण हरिद्वार आणि ऋषिकेश येथील विविध ठिकाणी सुरू आहे. बुधवारी रात्री अमिताभ बच्चन साऊथचा सुपरहिट चित्रपट RRR पाहण्यासाठी ऋषिकेशच्या रामा पॅलेसमध्ये पोहोचले. अमिताभ बच्चन रामा पॅलेसमध्ये पोहोचल्यावर थिएटरचे मालक अशोक गोयल आणि त्यांचा मुलगा हिमांशू गोयल यांनी त्यांचे स्वागत केले.
ऋषीकेश येथे पाहिला RRR चित्रपट
अमिताभ बच्चन अत्यंत गुपचूप चित्रपट पाहण्यासाठी रामा पॅलेसमध्ये पोहोचले होते. चित्रपट पाहिल्यानंतर अमिताभ बच्चन नरेंद्रनगर येथील आनंदा हॉटेलकडे रवाना झाले. मात्र, यावेळी रामा पॅलेसभोवती त्यांचे चाहते मोठ्या संख्येने उपस्थित होते. अमिताभ बच्चन यांची एक झलक पाहण्यासाठी प्रत्येकजण आतुर दिसत होता.