आंध्र प्रदेशकडून राज्य बोर्डाच्या परीक्षा रद्द; सर्वोच्च न्यायालय म्हणाले, 'ऑल इज वेल'

आंध्र प्रदेशमधील राज्य बोर्डाच्या परीक्षेचा मुद्दा आता निकाली लागला आहे. आंध्रने परीक्षा रद्द केल्याने सर्वोच्च न्यायालयाने निरीक्षणे नोंदविली आहेत.

नवी दिल्ली -राज्य बोर्डाच्या परीक्षा परिस्थितीचे पुन: परीक्षण करून रद्द केल्याची माहिती आंध्र प्रदेश सरकारने सर्वोच्च न्यायालयात दिली. त्यावर सर्वोच्च न्यायालयाने ज्याचा शेवट चांगला होतो, ते सर्व चांगले आहे, (All is well that ends well) अशी टिप्पणी केली. त्यामुळे आंध्र प्रदेशमधील राज्य बोर्डाच्या सर्व परीक्षा रद्द होणार असल्याचे स्पष्ट झाले आहे.

आंध्र प्रदेशच्यावतीने वरिष्ठ वकील दुष्यंत दवे यांनी सर्वोच्च न्यायालयातील न्यायमूर्ती ए. एम. खानविलकर आणि न्यायमूर्ती दिनेश माहेश्वरी यांच्या पीठापुढे मांडली. गुरुवारीच्या सुनावणीनंतर वकील दवे यांनी मुख्यमंत्री जगन मोहन रेड्डी यांच्याशी चर्चा केली. त्यांना राज्याचा सर्व परीक्षा रद्द करण्याचा सल्ला मुख्यंमत्र्यांना दिला. दवे यांनी न्यायालयात सांगितले, की जेव्हा संपूर्ण देश निर्णय घेत आहे, तेव्हा आपणही त्याचा विचार करावा. परीक्षा घेऊ नये, असा आंध्र प्रदेशच्या मुख्यमंत्र्यांना सल्ला दिला आहे.

हेही वाचा-शिवराळ अभिनेत्री पायल पुन्हा खातेय तुरूंगाची हवा : सुंभ जळेल पण पीळ जात नाही

आंध्र प्रदेशने सर्व परीक्षा रद्द करण्याच्या भूमिकेवर न्यायमूर्ती खानविलकर यांनी निरीक्षण नोंदविले. ते म्हणाले, की राज्य सरकारने घेतलेल्या प्रागतिक भूमिकेचे आम्ही कौतुक करतो. अशा स्थितीत यापूर्वी आंध्र प्रदेशने येण्याची गरज होती.

हेही वाचा-धक्कादायक! मास्क न घातल्याने सुरक्षा रक्षकाने ग्राहकावर झाडली गोळी!

कोरोनाची स्थिती अंदाजापलीकडे-

कोरोनाची स्थिती खूप कठोर आणि अंदाजापलीकडे आहे. याचिका निकाली काढताना सर्वोच्च न्यायालयाने ज्याचा शेवट चांगला होतो, ते सर्व चांगले असे निरीक्षण नोंदविले. आंध्र प्रदेश सरकारने सर्व परीक्षा रद्द केल्याने त्याबाबत कोणत्याही मुद्द्याचे सर्वोच्च न्यायालयाकडून परीक्षण करण्यात येणार नाही.

दरम्यान, कोरोना महामारीमुळे देशातील बहुतांश राज्यांनी परीक्षा रद्द केल्या आहेत. तरीही आंध्र प्रदेशने राज्य बोर्डाच्या परीक्षा घेण्याची भूमिका घेतली होती.