नवी दिल्ली : अल कायदा या दहशतवादी संघटनेने भारतात आत्मघाती हल्ल्याची धमकी दिली आहे. अल कायदाने 6 जून रोजी जारी केलेल्या अधिकृत पत्रात धमकी दिली आहे की ते गुजरात, यूपी, मुंबई आणि दिल्लीमध्ये आत्मघातकी हल्ले करण्यास तयार आहेत. भाजपच्या माजी प्रवक्त्या नुपूर शर्मा यांनी टीव्हीवरील चर्चेदरम्यान पैगंबर मोहम्मद यांच्याबद्दल कथित अपमानास्पद वक्तव्य केल्याप्रकरणी अल कायदाने ही धमकी दिली आहे. "पैगंबरांच्या सन्मानासाठी लढण्यासाठी" दिल्ली, मुंबई, उत्तर प्रदेश आणि गुजरातमध्ये आत्मघाती हल्ले करणार असल्याचे अल कायदाने म्हटले आहे. आमच्या पैगंबरांचा अपमान करणाऱ्यांना आम्ही ठार करू, असे अल कायदाच्या पत्रात म्हटले आहे. आमच्या पैगंबरांचा अपमान करणार्‍यांना उडवण्यासाठी आम्ही आमच्या शरीरावर आणि आमच्या मुलांच्या अंगावर स्फोटके बांधू... भगव्या दहशतवाद्यांना आता दिल्ली, मुंबई, उत्तर प्रदेश आणि गुजरातमध्ये त्यांच्या अंताची वाट पहावी लागेल. असाही त्यात इशारा दिला आहे.
मुस्लिमांच्या भावना दुखावल्या -आपल्या पत्रात दहशतवादी संघटनेने म्हटले आहे की, काही दिवसांपूर्वी हिंदुत्वाच्या प्रचारकाने चर्चेदरम्यान इस्लाम आणि पैगंबर मोहम्मद यांचा अपमान केला होता. त्यांच्या वक्तव्यामुळे जगभरातील मुस्लिमांच्या भावना दुखावल्या गेल्या आहेत. माफी किंवा दयामाया होणार नाही. कोणत्याही प्रकारचा निषेध किंवा दु:ख या शब्दाने हे प्रकरण बंद केले जाणार नाही. आम्ही पैगंबरांच्या अपमानाचा बदला घेऊ, असेही अल कायदाने पुढे म्हटले आहे. आम्ही इतरांना या लढ्यात सहभागी होण्यास सांगू. यानंतर प्रेषित मोहम्मद यांच्याबद्दल वादग्रस्त वक्तव्य केल्याबद्दल भारतीय जनता पक्षातून (भाजप) हकालपट्टी करण्यात आलेल्या नुपूर शर्मा आणि तिच्या कुटुंबीयांना दिल्ली पोलिसांनी सुरक्षा पुरवली आहे.
जीवे मारण्याच्या धमक्या -अधिकाऱ्यांनी मंगळवारी ही माहिती दिली. तत्पूर्वी, दिल्ली पोलिसांनी भाजपचे माजी प्रवक्ते शर्मा यांना प्रेषित मोहम्मद पैगंबर यांच्या विरोधात वादग्रस्त वक्तव्य केल्यानंतर जीवे मारण्याच्या धमक्या मिळाल्याच्या तक्रारींसंदर्भात एफआयआर नोंदवला होता. शर्मा यांनी पोलिसांना मिळणाऱ्या धमक्यांचा हवाला देत सुरक्षा पुरवण्याची विनंती केली होती. एका अधिकाऱ्याने सांगितले की, शर्मा आणि त्यांच्या कुटुंबीयांना त्यांच्या वक्तव्यासाठी धमकावले जात असल्याचा आरोप केल्यानंतर त्यांना सुरक्षा प्रदान करण्यात आली आहे.
AQIS च्या नजरा भारतावर -अल कायदाची उपशाखा आणि अफगाणिस्तानात कार्यरत असलेली दहशतवादी संघटना AQIS च्या नजरा भारतावर आहेत. संयुक्त राष्ट्राने आपल्या ताज्या अहवालात इशारा दिला होती की AQIS ने मार्च 2020 मध्ये आपल्या मासिकाचे नाव 'नवा-ए-अफगाण जिहाद' वरून बदलून 'नवा-ए-गझवा-ए-हिंद' केले होते. दहशतवादी संघटना भारतात कारवाया वाढवत असल्याचे यावरून दिसून येते. UN च्या प्रतिबंध मॉनिटरिंग अँड अॅनालिसिस टीमच्या 13व्या अहवालानुसार, AQIS अफगाणिस्तानमध्ये ही संघटना दहशतवादी कारवायांमध्ये गुंतलेली आहे. त्यात 180 ते 400 दहशतवादी आहेत. त्यात भारत, बांगलादेश, म्यानमार, पाकिस्तानचे नागरिक आहेत. हे दहशतवादी गट गझनी, हेलमंड, कंदाहार, निमरुज, पक्तिका, जाबुल या राज्यांमध्ये आहेत. ऑक्टोबर 2015 मध्ये कंदाहारमध्ये अमेरिका आणि अफगाणिस्तानच्या संयुक्त ऑपरेशननंतर ते कमकुवत झाले, परंतु संपले नाहीत. आता आर्थिक मदत मिळणेही त्यांच्या अडचणी वाढले आहे. त्यामुळेच तो आक्रमक वृत्ती दाखवू शकत नाही.
भारताप्रती आक्रमक विचारसरणी -गझवा-ए-हिंद मासिकाच्या नावात समाविष्ट करण्यात आलेले दहशतवादी आणि कट्टरपंथी गटांची भारताप्रती आक्रमक विचारसरणी दिसते. भारतीय उपखंडात मुस्लिम आणि गैर-मुस्लिम यांच्यात मोठे युद्ध होईल, असा इस्लामिक कट्टरतावादी गटांचा विश्वास आहे. यात मुस्लिम जिंकतील आणि संपूर्ण उपखंड काबीज करतील. पाकिस्तानातील बहुतांश दहशतवादी नेते आणि धार्मिक नेते गझवा-ए-हिंदचा हवाला देऊन मुस्लिमांचा भारताविरुद्धच्या दहशतवादी हल्ल्यांमध्ये वापर करण्याचा प्रयत्न करत आहेत.
मुस्लिम देशांनी जोरदार टीका -प्रेषित मोहम्मद पैगंबर यांच्याविरोधात भाजप नेत्यांच्या वादग्रस्त वक्तव्यावर अनेक मुस्लिम देशांनी जोरदार टीका केली आहे. दरम्यान, भाजपने रविवारी शर्मा यांना निलंबित केले आणि दिल्लीचे मीडिया प्रमुख नवीन कुमार जिंदाल यांची हकालपट्टी केली. मुस्लिम संघटनांचा निषेध आणि कुवेत, कतार आणि इराण सारख्या देशांच्या तीव्र प्रतिक्रियांदरम्यान, भाजपने एक निवेदन जारी केले होते की ते सर्व धर्मांचा आदर करते आणि कोणत्याही धर्माच्या आदरणीय लोकांच्या अपमानाचा तीव्र निषेध करते.
शर्मा यांच्या टिप्पण्या -सुमारे 10 दिवसांपूर्वी, टीव्हीवरील चर्चेत, शर्मा यांच्या टिप्पण्या आणि जिंदाल यांच्या आक्षेपार्ह ट्विटच्या विरोधात ट्विटरवर एक मोहीम सुरू करण्यात आली होती. काही देशांमध्ये भारतीय उत्पादनांवर बहिष्कार टाकण्याचे आवाहन करण्यात आले होते. त्यानंतर नुपूर शर्मा यांनी बिनशर्त टीव्ही चर्चेत केलेले वादग्रस्त विधान मागे घेतले आणि असा दावा केला की टिप्पणी "आराध्य महादेवाचा सतत अपमान आणि तिरस्कार" याला प्रतिसाद म्हणून आली होती.
