आग्रा Agra Crime News : जिल्ह्यातील खेरागड पोलीस ठाण्याच्या हद्दीतील एका गावात तरुणांच्या छेडछाडीला कंटाळून एका युवतीनं आत्महत्या केलीय. ही मुलगी आंघोळ करत असताना मुलांनी तिचा व्हिडिओ बनवल्याचा आरोप आहे. यानंतर ते तिला ब्लॅकमेल करत होते. एवढंच नाही, तर दोन दिवसांपूर्वी दोन्ही आरोपींनी तिच्या घरात घुसून तिच्यावर बलात्काराचा प्रयत्नही केला. मुलीनं विरोध केल्यावर आरोपीनं तिला मारहाण केली आणि तिच्या मानेवर चाकूही मारला, अशी माहिती खेरागडचे एसीपी महेश कुमार यांनी दिली आहे. मुलीच्या वडिलांच्या तक्रारीवरून गावातील दोन तरुणांविरुद्ध गुन्हा दाखल करण्यात आलाय. दोन्ही आरोपी फरार असून त्यांचा पोलिसांची पथकं शोध घेत आहे.
नेमकं प्रकरण काय : पोलिसांनी दिलेल्या माहितीनुसार, खेरागड पोलीस स्टेशन हद्दीतील एका गावात शनिवारी एका 19 वर्षीय तरुणीचा मृतदेह तिच्या घरात आढळून आला. या प्रकरणी रविवारी मुलीच्या वडिलांनी खेरागड पोलिस ठाण्यात गुन्हा दाखल करण्यासाठी फिर्याद दिली. यात वडिलांनी आरोप केलाय की, शेजारी राहणारे अभिषेक आणि विष्णू आपल्या मुलीला अनेक दिवसांपासून सतत त्रास देत होते. आरोपी तरुणानं एकदा त्यांची मुलगी आंघोळ करत असताना तिचा व्हिडिओ बनवला होता. त्या आधारे मुलीला ब्लॅकमेल केलं जात होतं. 13 ऑक्टोबर 2023 रोजी अभिषेक आणि विष्णू हे दोघं भाऊ गच्चीतून तिच्या घरात घुसले. त्याच्या मुलीला ब्लॅकमेल करून तिच्यावर बलात्कार करण्याचा प्रयत्न केला. याला मुलीनं विरोध केला असता तिला मारहाण करण्यात आली. त्याच्या गळ्यावर चाकू ठेवण्यात आला होता. नराधमांच्या या कृत्याला कंटाळून मुलीनं आत्महत्येचं पाऊल उचललं.