नवी दिल्ली : दिल्ली महिला आयोगाच्याअध्यक्षा स्वाती मालीवाल यांच्या घरात एका हल्लेखोरानेघुसून घरात ठेवलेल्या वाहनांवर हल्ला (attacked house of Chairperson of Women Commission) केला. हल्ला झाला, तेव्हा स्वाती मालीवाल किंवा त्यांची आई घरात नव्हते. हल्लेखोराने कारच्या काचा फोडून घरात घुसण्याचा प्रयत्न केला. हल्ला करणाऱ्या आरोपीला उत्तर दिल्ली पोलीसांनी अटक केली (Accused Arrested) आहे.
हल्लेखोर मानसिक रुग्ण -पोलिसांनी दिलेल्या माहितीनुसार, तो मानसिक रुग्ण असून, त्याच्यावर इहाबसमध्ये उपचार सुरू आहेत. सचिन असे आरोपीचे नाव आहे. आरोपी बुरारी येथील डीटीसी डेपोमध्ये इलेक्ट्रिशियन म्हणून कंत्राटावर काम करायचा. तो बुरारीच्या नाथुपुरा येथे कुटुंबासह राहतो. दोन महिन्यांपासून इहबासमध्ये त्याच्यावर उपचार सुरू आहेत.
महिला आयोग अध्यक्षांच्या घरात हल्लेखोर :सोमवारी सकाळी 10.30 वाजता दिल्ली महिला आयोगाच्या अध्यक्षा (Chairperson of Women Commission) स्वाती मालीवाल यांनी सिव्हिल लाइन्समधील त्यांच्या घरावर झालेल्या हल्ल्याची माहिती दिली. यावेळी त्यांनी घराबाहेर उभ्या असलेल्या गाड्यांमधील तोडफोडीचे फोटो शेअर केले. स्वाती मालीवाल यांनी ट्विट केले की, एका हल्लेखोराने तिच्या घरात घुसून हल्ला केला. मालीवाल यांच्या म्हणण्यानुसार, हल्लेखोराने त्यांच्या आणि त्यांच्या आईच्या कारचेही मोठ्या प्रमाणात नुकसान केले आहे. याप्रकरणी अरविंद केजरीवाल यांनी एलजी विनय सक्सेना यांच्यावर निशाणा साधला. ते म्हणाले की, गेल्या काही महिन्यांत दिल्लीतील कायदा आणि सुव्यवस्थेची स्थिती अत्यंत बिकट झाली आहे. दिल्ली महिला आयोगाच्या अध्यक्षाही सुरक्षित नाहीत. खून होत आहेत. मला अपेक्षा आहे की, एलजी साहेब कायदा आणि सुव्यवस्था सुधारण्यासाठी थोडा वेळ देतील.
दिल्ली गुन्हेगारांची राजधानी -स्वाती मालीवाल यांच्या घरावर हल्ला (accused attacked) झाला, अशा वेळी झाला दिल्लीचे उपमुख्यमंत्री मनीष सिसोदिया यांनी उपराज्यपालांना पत्र लिहून कायदा आणि सुव्यवस्थेवर प्रश्नचिन्ह उपस्थित केले होते. रविवारी लेफ्टनंट गव्हर्नर व्ही.के. सक्सेना यांना लिहिलेल्या पत्रात सिसोदिया यांनी दिल्लीतील कायदा आणि सुव्यवस्थेची स्थिती अत्यंत बिकट असल्याचे म्हटले होते. दिल्ली आता गुन्हेगारांची राजधानी बनली आहे. काही दिवसांपूर्वी स्वाती मालीवाल यांनी बलात्काराच्या धमक्या येत असल्याचा आरोप केला होता. अलीकडेच दिल्ली महिला आयोगाच्या प्रमुख स्वाती मालीवाल यांनी केंद्रीय माहिती आणि प्रसारण मंत्र्यांना आरोपी साजिद खानविरोधात पत्र लिहून साजिदला बिग बॉसमधून बाहेर काढावे, असे पत्र लिहिले होते. त्यानंतर स्वातीने ट्विट करून माहिती दिली होती की, असे केल्यानंतर तिला बलात्काराची धमकी दिली जात आहे. याचा तपास दिल्ली पोलीसांचा सायबर सेल करत आहे.
