Mathura Krishna Janmabhoomi मथुरेच्या श्रीकृष्णजन्मभूमी प्रकरणातही व्हिडिओग्राफी सर्वेक्षणाचे न्यायालयाचे आदेश

अलाहाबाद उच्च न्यायालयाने आज सोमवारी दि. 29 ऑगस्ट रोजी मथुरेच्या श्रीकृष्णजन्मभूमी प्रकरणातही व्हिडिओग्राफी सर्वेक्षणाचे आदेश दिले आहेत. mathura krishna janmabhoomi परिसराची व्हिडीओग्राफी करण्यात येणार असून, त्यात वादी, प्रतिवादी, जिल्हा प्रशासकीय अधिकारी यांच्यासह सर्वे आयुक्तांचे संपूर्ण पॅनेल असणार आहे.

मथुरा -ज्ञानवापी मशिदीप्रमाणेच आता मथुरेच्या श्रीकृष्णजन्मभूमी प्रकरणातही व्हिडिओग्राफी सर्वेक्षण होणार आहे. अलाहाबाद उच्च न्यायालयाने हे आदेश दिले आहेत. मुख्य पक्षकार मनीष यादव यांच्या याचिकेवर न्यायमूर्ती पीयूष अग्रवाल यांच्या खंडपीठाने हा आदेश दिला आहे. जिल्हा न्यायालयाला व्हिडिओग्राफी सर्वेक्षणाची कार्यवाही पूर्ण करून चार महिन्यांत उच्च न्यायालयात अहवाल सादर करावा लागणार आहे. allahabad high court order एक वरिष्ठ वकिलांची आयुक्तपदी तर दोन वकिलांची सहायक आयुक्तपदी नियुक्ती करण्यात येणार आहे. सर्वेक्षणादरम्यान फिर्यादी व प्रतिवादी यांच्यासोबत सक्षम अधिकारीही उपस्थित राहणार आहेत.

हा आदेश उच्च न्यायालयाने मथुरा जिल्हा न्यायाधीशांना दिला आहे. लखनौ येथील रहिवासी रंजना अग्निहोत्री यांनी श्रीकृष्ण जन्मभूमीच्या १३.३७ एकर जमिनीच्या मालकीची मागणी करणारा दावा दाखल केला होता. तसेच, श्रीकृष्ण जन्मभूमीत बांधलेली शाही ईदगाह मशीद हटवण्याची मागणी करण्यात आली आहे. कोर्टात दाखल केलेल्या दाव्यात भगवान कृष्णाच्या जन्मस्थानाजवळील कटरा केशव देव मंदिराच्या 13.37 एकर परिसरात मुघल सम्राट औरंगजेबच्या आदेशानुसार 1669-70 मध्ये बांधलेली कथित मशीद हटवण्याची मागणी करण्यात आली आहे.

ज्ञानवापी मशीदचेही झाले होते सर्वेक्षण - ज्ञानवापी मशीद औरंगजेबाने काशी विश्वनाथ मंदिर पाडून बांधली असा दावा अनेकांनी केला आहे. हा मंदिर-मशीद वाद वर्षानुवर्षे जुना असून (213) वर्षांपूर्वी त्यावरून दंगली झाल्या होत्या. स्वातंत्र्यानंतर या मुद्द्यावरून दंगल झाली नाही. ( Gyanvapi Masjid ) अयोध्येत राम मंदिराचा मुद्दा तापल्यानंतर (1991) मध्ये ज्ञानवापी हटवून त्याची जमीन काशी विश्वनाथ मंदिराला द्यावी यासाठी दाखल करण्यात आलेली पहिली याचिका दाखल करण्यात आली होती.

धर्म दिन-ए-इलाही - 1669 मध्ये औरंगजेबाने काशी विश्वनाथ मंदिराचा काही भाग तोडून ज्ञानवापी मशीद बांधली असे मानले जाते. काही इतिहासकारांचे म्हणणे आहे की 14 व्या शतकात जौनपूरच्या शर्की सुलतानने मंदिर पाडून ज्ञानवापी मशीद बांधली होती. (Gyanvapi Masjid case) तर काहींच्या मते, विश्वनाथ मंदिर आणि ज्ञानवापी मशीद अकबराने 1585 मध्ये नवीन धर्म दिन-ए-इलाही अंतर्गत बांधली होती.

मशीद आणि विश्वनाथ मंदिरादरम्यान 10 फूट खोल विहीर आहे, तिला ज्ञानवापी म्हणतात. या विहिरीवरून मशिदीचे नाव ज्ञानवापी पडले. स्कंद पुराणात असे म्हटले आहे की भगवान शिवाने स्वतः आपल्या त्रिशूलाने ही विहीर लिंगाभिषेकासाठी बनवली होती. येथेच शिवाने पत्नी पार्वतीला ज्ञान दिले, म्हणून या स्थानाचे नाव ज्ञानवापी किंवा ज्ञानाची विहीर पडले. ही विहीर थेट पौराणिक काळातील दंतकथा, सामान्य लोकांच्या श्रद्धा यांच्याशी संबंधित आहे.

हेही वाचा -Artemis Launch postponed इंजिन खराब झाल्यामुळे आर्टेमिस लाँच पुढे ढकलण्यात आले