Sukesh Allegation on Kejriwal: टॅबलेट खरेदी प्रकरणात केजरीवालांनी लाच मागितली.. सुकेश चंद्रशेखरच 'लेटर बॉम्ब'

Sukesh Allegation on Kejriwal: तुरुंगात बंद सुकेश चंद्रशेखर यांनी गुरुवारी पुन्हा त्यांचे वकील अनंत मलिक यांच्यामार्फत पत्र लिहून दिल्लीचे मुख्यमंत्री अरविंद केजरीवाल आणि उपमुख्यमंत्री मनीष सिसोदिया यांच्यासह 'आप'च्या नेत्यांनी २०१६ मध्ये "दिल्ली स्कूल मॉडेलसाठी" टॅब्लेट पुरवण्याचे करार केले होते त्यात लाच मागितली होती. bribe for delhi school model,

नवी दिल्ली : Sukesh Allegation on Kejriwal: कोट्यवधी रुपयांची फसवणूक केल्याप्रकरणी तुरुंगात असलेल्या सुकेश चंद्रशेखर यांनी आणखी एका पत्राद्वारे म्हटले आहे की, अरविंद केजरीवाल आणि मनीष सिसोदिया यांनी शाळांमध्ये टॅबलेट पुरवण्यासाठीही लाच मागितली होती. सुकेशने आपले वकील अनंत मलिक यांच्यामार्फत केजरीवाल आणि सिसोदिया यांच्यावर आरोप केला आहे की, 2016 मध्ये त्यांनी दिल्लीच्या मॉडेल स्कूलमध्ये टॅबलेट पुरवठ्यासाठी लाच मागितली होती. bribe for delhi school model

सुकेशने पत्रात लिहिले आहे की, 2016 मध्ये त्याने दिल्लीचे मंत्री सत्येंद्र जैन यांना दिल्लीतील मॉडेल स्कूलमध्ये टॅबलेट पुरवण्यासाठी एका कंपनीबद्दल सांगितले होते. ती कंपनी आणि जैन आणि मनीष सिसोदिया यांच्यात व्हिडिओ कॉन्फरन्सद्वारे या करारावर अनेकदा चर्चा झाली. या संभाषणांमध्ये त्यांचाही सहभाग असल्याचे सुकेशने सांगितले. मात्र, नंतर करार होऊ शकला नाही. 2016 च्या मध्यात कैलाश गेहलोत यांच्या फार्मवर बैठक झाली होती, असा आरोप त्यांनी केला. त्यात मी, जैन आणि सिसोदिया तसेच टॅबलेटचा पुरवठा करणाऱ्या कंपनीच्या प्रतिनिधींचा समावेश होता. त्यानंतर हा सौदा निश्चित करण्यात आला आणि मनीष सिसोदिया यांचे नातेवाईक पंकज यांच्या नावाने बनावट कंपनी तयार करून लाचेची रक्कम त्या कंपनीकडे कर्ज म्हणून वर्ग करण्यात येईल, असे सांगण्यात आले. या डीलमध्ये सत्येंद्र जैन यांची चिंता केवळ स्वतःच्या नफ्याची होती, उत्पादनाच्या गुणवत्तेची नसल्याचा आरोप सुकेशने केला.

तुरुंगात असलेला गुन्हेगार सुकेश चंद्रशेखर याने यापूर्वीही आप नेत्यांवर गंभीर आरोप करत अनेक पत्रे जारी केली आहेत. त्यांनी मुख्यमंत्री अरविंद केजरीवाल आणि सत्येंद्र जैन यांना पॉलिग्राफ चाचणी करून घेण्याचे आव्हान दिले आहे. गुरुवारी केंद्रीय राज्यमंत्री मीनाक्षी लेखी यांनीही पत्रकार परिषदेत सांगितले होते की सुकेश चंद्रशेखर यांनी सहावे पत्र जारी केले आहे ज्यात त्यांनी केजरीवाल यांना टॅब खरेदी प्रकरणात भ्रष्टाचारावर पॉलिग्राफ चाचणीचे आव्हान दिले आहे. दुसरीकडे सत्येंद्र जैन यांचा जामीन सहाव्यांदा फेटाळण्यात आला असला तरी केजरीवाल यांनी अद्यापही त्यांच्याकडून मंत्रीपदाचा राजीनामा घेतलेला नाही. या साऱ्या गोंधळाचे मूळ अरविंद केजरीवाल हेच असल्याचे यावरून सिद्ध होते.