नवी दिल्ली -केंद्रीय कृषी कायद्यांविरोधात सुरू असलेल्या शेतकरी आंदोलनाचा आज (रविवार) दहावा दिवस आहे. हजारो शेतकऱ्यांनी दिल्लीच्या सीमेवरील रस्त्यांवरच मुक्काम ठोकला आहे. दरम्यान, ८ डिसेंबरला शेतकऱ्यांनी भारत बंदची हाक दिली आहे. या आंदोलनास आम आदमी पक्षाने पाठिंबा दिला आहे. सरकारसोबतच्या चर्चेतून अद्याप तोडगा निघाला नसून ९ डिसेंबरला पुन्हा शेतकरी आणि केंद्रीय नेत्यांची बैठक होणार आहे.
आपचा आंदोलनाला पाठिंबा
हिवाळ्यामध्ये उत्तर भारतात कडाक्याची थंडी पडते. दिल्लीत सध्या हाडे गोठवणारी थंडी आहे. अशा असह्य थंडीतही शेतकरी दिल्लीच्या रस्त्यांवर आंदोलन करत आहे. सुमारे १ वर्षाचे राशन बरोबर असल्याचे शेतकरी नेत्यांनी जाहीर केले आहे. जर सरकारने आमच्या मागण्या मान्य केल्या नाही तर रस्त्यांवरच आंदोलन करत राहण्याचा निर्णय शेतकऱ्यांनी घेतला आहे.
आम आदमी पक्षाचा आंदोलनाला पाठिंबा