जयपूर-लिंबाचे भाव वाढल्याने आता चक्क चोरांनी लिंबाच्या चोरीकडे मोर्चा वळविला आहे. पूर्वी ४०० रुपये किलोने विकल्या जाणाऱ्या लिंबावर चोरांचा डोळा आहे. मुहाना मंडीमधून ( Lemon Theft In jaipur Mandi ) 50 किलो लिंबू चोरून एक चोर फरार झाला आहे. ही चोरीची घटना सीसीटीव्हीत कैद झाली आहे.
चोर हा ई-रिक्षातून बाजारात प्रवेश करत असल्याचे व्हिडिओमध्ये दिसते. यानंतर लिंबूने भरलेले कॅरेट चोरतो. त्यानंतर ई-रिक्षात ठेवून पळून जातो. आश्‍चर्यकारक बाब म्हणजे, व्यावसायिकाच्या घरी अशा प्रकारे दुसऱ्यांदा चोरी झाली आहे. तेव्हा 50 किलो लिंबू चोरीला गेल्याचे ( lemon theft incident in Jaipur ) समोर आले. यानंतर व्यावसायिक दीपक यांनी मुहाणा पोलिस ठाण्यात लिंबू चोरीचा गुन्हा दाखल केला ( jaipur Mandi CCTV Footage Shows Man Stealing Sour Fruit) आहे.
एका दिवसात 50 किलो लिंबू चोरले-पोलीस अधिकारी लखन सिंह यांनी सांगितले की, जयपूर मंडीतील भाज्यांचा घाऊक व्यापार करणाऱ्या दीपक यांच्या दुकानातून लिंबू चोरीला गेले आहेत. तक्रार नोंदवल्यानंतर, सीसीटीव्ही फुटेजमध्ये दिसणार्‍या लिंबू चोराचा शोध ( jaipur Mandi CCTV Footage ) सुरू आहे. चोरट्याने एका दिवसात 50 किलो लिंबू चोरले आहेत. त्याची किंमत 20 हजारांच्या आसपास सांगितली जात आहे.
8 दिवसांपूर्वी झालेली चोरी आता उघडकीस - चोरट्याने आठ दिवसांपूर्वी दीपक यांच्या दुकानातून लिंबूचे कॅरट चोरले होते. दीपक आणि तिथे काम करणाऱ्या कर्मचाऱ्यांनाही याची माहिती नव्हती. गुरुवारी चोरट्याने अशीच लिंबू चोरी केली आहे. शुक्रवारी सायंकाळी दीपक यांनी लिंबाचा साठा तपासला असता दोन क्रेट गायब झाल्याचे आढळले. त्यात 50 किलो लिंबू ठेवलेले होते. यानंतर दुकानात लावलेल्या सीसीटीव्ही कॅमेऱ्याचे फुटेज तपासण्यात आले. ई-रिक्षा चालविणारा चोरटा समोर आला आहे. दीपक यांनी मुहाणा पोलीस ठाण्यात चोरीचा गुन्हा दाखल केला.