मध्य प्रदेश : कायम हिंदु-मुस्लिम द्वेशाची चर्चा असते. मात्र, काही ठिकाणी यामध्ये सर्व धर्म समभावाचा प्रसंग दिसून येते. आज मध्य प्रदेशमध्ये मुख्यमंत्री कन्या विवाह, निकाह योजनेंतर्गत शनिवारी विवाह सोहळ्याचे आयोजन करण्यात आले होते. विदिशाच्या श्रीरामलीला जत्रा संकुलात आयोजित सामूहिक विवाह कार्यक्रम सर्व विधी आणि रीतिरिवाजांसह संपन्न झाला. याच मंडपात पंडितांकडून विवाह सोहळा आणि मौलवी यांनी निकाह केला. जिल्हा पंचायत अध्यक्षा गीता रघुवंशी, नगराध्यक्षा प्रीती शर्मा, व इतर लोकप्रतिनिधींनी फुले, हार, तिलक लावून घोडीवर स्वार झालेल्या वराचे व बारातीचे स्वागत केले.
लग्न आणि निकाह एकाच मंडपात :विदिशा जनपद पंचायतीचे मुख्य कार्यकारी अधिकारी प्रमोद खरे म्हणाले की, मुख्यमंत्री कन्या विवाह, निकाह योजनेंतर्गत जिल्ह्यातील एकूण 38 जोडपी अक्षय्य तृतीयेच्या दिवशी विवाहबंधनात बांधली गेली असून, त्यात 6 विवाहांचा समावेश आहे. शासनाच्या मार्गदर्शक सूचनांनुसार प्रत्येक वधूला 49-49 हजार रुपयांचे खातेदार धनादेश देण्यात आले आहेत. तर, प्रत्येक जोडप्याला पंचायत सचिव संघटनेतर्फे भिंत घड्याळ देण्यात आले आहे. यावेळी सर्व नातेवाईकांनी आपल्या झालेल्या विवाह सोळल्याबद्दल आनंद व्यक्त केला. बऱ्याचदा परिस्थितीमुळे हवा तसा विवाह सोहळा करता येत नाही. त्यामुळे काही लोक नाराज असतात. मात्र, या कार्यक्रमामुळे अनेकांना चांगला विवाह करता आला आहे.