On This Day Yuvraj Singh : आजच्या दिवशी युवराज सिंगने ब्रॉडला दाखवले होते दिवसा तारे, पाहा 15 वर्षापूर्वीचा कारनामा

आजच्या दिवशी युवराज सिंगने ( Yuvraj Singh ) 15 वर्षांपूर्वी टी-20 विश्वचषकात इंग्लंडविरुद्ध असा पराक्रम केला होता, जो क्रिकेट चाहते कधीच विसरणार नाहीत. इंग्लंडचा वेगवान गोलंदाज स्टुअर्ट ब्रॉडच्या ( Fast bowler Stuart Broad ) एका षटकात युवराजने सलग 6 षटकार ठोकले होते.

नवी दिल्ली: टी-20 विश्वचषकाचा असाच एक क्षण जेव्हा एका खेळाडूला नवीन नाव मिळाले, त्याच्या नावाशी एक नवीन कामगिरी जोडली गेली आणि टीम इंडियाचा हा फलंदाज जागतिक क्रिकेटचा सिक्सर किंग ( Sixer king of world cricket ) ठरला. ज्याने अशा गोलंदाजाला एका षटकात सलग 6 षटकार मारले ( A record of 6 consecutive sixes ), जो सध्या कसोटी क्रिकेटमधील सर्वोत्तम गोलंदाज आहे. आजपासून अवघ्या 15 वर्षांपूर्वी, युवराजने डर्बनच्या मैदानावर आंतरराष्ट्रीय क्रिकेटमध्ये जे केले ते क्वचितच घडते. युवराजची 16 चेंडूत 58 धावांची झंझावाती खेळी अप्रतिम होती. ज्यामुळे टीम इंडियाने प्रथम फलंदाजी करताना इंग्लंडसमोर 4 गडी गमावून 218 धावा करतान 219 लक्ष्य दिले. त्यानंतर इंग्लंडला 200 धावांवर रोखले आणि सामना 18 धावांनी जिंकला.

19व्या षटकाची ऐतिहासिक गोष्ट -

टीम इंडियाने 18 षटकात 3 गडी गमावून 171 धावा केल्या होत्या. 19 वे ओव्हर स्टुअर्ट ब्रॉडच्या हातात होती. पण युवराजच्या मनात काहीतरी वेगळंच चालू होतं. ब्रॉडच्या या षटकात युवराजने 6 चेंडूत सलग 6 षटकार ठोकले ( Yuvraj Singh 6 sixes in 6 consecutive balls ) आणि 19 षटकांनंतर संघाची धावसंख्या 207 धावांवर पोहोचली. त्याने मैदानाच्या प्रत्येक कोपऱ्यात धावा फटकावल्या. ब्रॉड ( Fast bowler Stuart Broad )हा आजचा सर्वोत्तम कसोटी गोलंदाज आहे, पण युवराजविरुद्धचे हे षटक तो आयुष्यभर विसरणार नाही.

युवराजने एकाच षटकात केले तीन विक्रम -

या षटकातील युवराजच्या धडाकेबाज खेळीने क्रिकेट चाहत्यांनाच थक्क केले नाही तर एकाच षटकात 3-3 विक्रमही केले.

एका षटकात सलग 6 षटकार मारणारा पहिला फलंदाज -

आंतरराष्ट्रीय क्रिकेटमध्ये अशी कामगिरी करणारा युवराज सिंग पहिला फलंदाज ठरला. रवी शास्त्री यांच्याही नावावर हा पराक्रम असला तरी देशांतर्गत क्रिकेटमध्ये त्यांनी हे स्थान मिळवले, तर युवराजने आंतरराष्ट्रीय क्रिकेटमध्ये ही कामगिरी केली. त्यानंतर 2021 मध्ये किरॉन पोलार्डनेही श्रीलंकेविरुद्ध सलग 6 चेंडूत 6 षटकार ( Kieron Pollard 6 sixes in 6 consecutive balls ) ठोकले.

सर्वात वेगवान अर्धशतक करणारा फलंदाज -

युवराजने अवघ्या 12 चेंडूत आपले अर्धशतक पूर्ण केले आणि टी-20 मध्ये सर्वात जलद अर्धशतक झळकावणारा फलंदाज ठरला. त्याने 3 चौकार आणि 6 षटकारांच्या मदतीने हे स्थान गाठले.

एका षटकात सर्वाधिक धावा करण्याचा विक्रम -

युवराजने या षटकात 36 धावा दिल्या आणि तो कोणत्याही एका षटकात सर्वाधिक धावा करणारा फलंदाज ठरला. तथापि, नंतर वेस्ट इंडिजचा स्फोटक फलंदाज कायरॉन पोलार्डने 2021 मध्ये अकिला धनंजयाच्या ( Bowler Akila Dhananjaya ) षटकात 6 षटकार मारून या धावसंख्येची बरोबरी केली. आजही हे षटक आठवले की चाहत्यांमध्ये उत्साह संचारतो.

हेही वाचा -Team India New Jersey Launch : टी-20 वर्ल्डकपसाठी नवीन जर्सी लॉंच; नव्या रंगात आणि नव्या ढंगात, दिसणार टीम इंडिया