इंफाळ Militants Two Groups Gunfight in Manipur : मणिपूरच्या तेंगनौपाल जिल्ह्यात सोमवारी दहशतवाद्यांच्या दोन गटांमध्ये झालेल्या चकमकीत 13 जण ठार (Manipur Militants) झाले असल्याची माहिती समोर येत आहे. ही घटना सोमवारी दुपारी लेथू गावात घडली. म्यानमारला जात असलेल्या दहशतवाद्यांच्या एका गटावर या भागात प्रबळ असलेल्या दुसर्‍या गटानं हल्ला (Militants Gunfight in Manipur) केला, अशी माहिती पहाडी जिल्ह्यातील एका अधिकाऱ्यानं दिली. यात 13 जणांचा मृत्यू झाला आहे.
सुरक्षा दलाला 13 मृतदेह सापडले :या घटनेची माहिती मिळताच सुरक्षा दलाचे जवान घटनास्थळी दाखल झाले होते. घटनास्थळी पोहोचलेल्या सुरक्षा दलाच्या जवानांना आतापर्यंत 13 मृतदेह सापडले आहेत. या मृतदेहांची ओळख अद्याप पटलेली नाही, परंतु ते स्थानिक नसल्याचे दिसून आले आहे, अशी माहिती सुरक्षा दलाच्या अधिकाऱ्यांनी दिली. तेंगनौपाल जिल्ह्याची सीमा ही म्यानमारला लागलेली आहे.