बंगळुरू: साधारणत: एखाद्याला जर अर्धांगवायूचा स्ट्रोक आला तर पुन्हा ती व्यक्ती उभी राहू शकत नाही किंवा इतरांप्रमाणे आपले काम करू शकत नाही. मात्र बंगळुरू येथे पक्षाघाताचा झटका आलेले 102 वर्षीय रामास्वामी (102 year old man suffering from paralysis) ट्रस्ट वेल हॉस्पिटलमुळे (Trust well hospital) पूर्वीप्रमाणेच बरे झाले आहेत.
लवकर उपचार मिळाल्यास धोका कमी: रामास्वामी यांना उजव्या हातावर अर्धांगवायूचा झटका आला. त्यांना तज्ज्ञांच्या सल्ल्याने ट्रस्टवेल रुग्णालयात दाखल करण्यात आले. डॉक्टर आणि कर्मचार्‍यांनी तत्काळ उपचार केल्यामुळे रुग्णालयात दाखल केल्याच्या अर्ध्या तासात त्यांचा हात 50 टक्के बरा झाला. तसेच तासाभरात ९० टक्के हात बरा होवून ते धोक्यातून बचावले.
जागतिक स्ट्रोक दिवस: जागतिक स्ट्रोक दिवस दरवर्षी 29 ऑक्टोबर रोजी साजरा केला जातो. जागतिक स्ट्रोक ऑर्गनायझेशन (WSO) दरवर्षी नवीन थीमसह स्ट्रोकबद्दल जागृती करत असते, यावेळी जागतिक स्ट्रोक दिनानिमित्त 'अमूल्य वेळ' ही थीम घेऊन जनजागृती करण्यात आली. या थीमचा मुख्य उद्देश स्ट्रोकग्रस्तांना लवकरात लवकर योग्य उपचार देवून त्यांना धोक्यापासून वाचवणे, हा आहे. स्ट्रोकबाबत जनजागृती करण्याच्या उद्देशाने ट्रस्ट वेल हॉस्पिटलतर्फे जेसी रोडवरील 'स्ट्रोक अवेअरनेस वॉकथॉन'चे आयोजन करण्यात आले होते. या वॉकथॉनची सुरुवात एका 102 वर्षीय ज्येष्ठ व्यक्तीने केली होती, ज्यांच्यावर स्ट्रोकचा यशस्वी उपचार करण्यात आला होता.
डॉक्टर काय म्हणतात? : ट्रस्ट वेल हॉस्पिटलचे मुख्य न्यूरोसर्जन आणि अध्यक्ष डॉ एचव्ही मधुसूदन म्हणाले की, "एखाद्याला अर्धांगवायू झाल्यास प्रत्येक सेकंदाची गणना होते. योग्य वेळी सुसज्ज हॉस्पिटलमधून उपचार घेतल्यास तुम्हाला धोक्यापासून वाचवता येते. ट्रस्ट वेल हॉस्पिटल हे बंगळुरूमधील सर्वोत्तम न्यूरोसायन्स आणि न्यूरोसर्जरी विभागांपैकी एक आहे. येथे मेंदू आणि मणक्याच्या विकारांसाठी योग्य काळजी घेण्याबरोबरच नवीनतम तंत्रज्ञानाद्वारे समर्थित डॉक्टरांची एक टीम देखील आहे.
सेरेब्रल पाल्सी हे मृत्यूचे दुसरे प्रमुख कारण आणि अपंगत्वाचे तिसरे प्रमुख कारण आहे. दरवर्षी सुमारे 18 लाख लोकांना पक्षाघाताचा त्रास होतो. योग्य वेळी उपचार केल्यास एखाद्याचा जीव वाचू शकतो. ट्रस्टवेल इन्स्टिट्यूटमध्ये पात्र न्यूरोसर्जन, न्यूरो इंटरव्हेंशनलिस्ट, न्यूरो-एनेस्थेटिस्ट, क्रिटिकल केअर तज्ज्ञांची टीम आहे. याशिवाय, यात मेंदू, आघातजन्य मणक्याचे दुखापत, न्यूरोलॉजी, न्यूरोसर्जरी, मणक्याच्या शस्त्रक्रियांशी संबंधित केंद्रे आहेत, असे न्यूरोलॉजीचे वरिष्ठ सल्लागार डॉ. राजेश के.एन म्हणाले.
