തോട്ടത്തിന് തീപിടിച്ച് കാർ കത്തി നശിച്ചു - The car was burned to the ground after a fire broke out

എറണാകുളം: ഊന്നുകൽ ക്രിസ്ത്യൻ പള്ളിക്ക് സമീപമുള്ള തോട്ടത്തിന് തീപിടിച്ച് കാർ കത്തി നശിച്ചു. ഇന്ന് രാവിലെ പത്ത് മണിയോടെയാണ് തീപിടുത്തം ഉണ്ടായത്. സമീപത്ത് നിർത്തിയിട്ടിരുന്ന മാരുതി സുസൂക്കി കാറിലേക്കും തീ പടർന്ന് പിടിച്ച് കാർ പൂർണമായും കത്തിനശിച്ചു. പല്ലാരിമംഗലം മണികിണർ സ്വദേശിയുടെ കാറാണ് നശിച്ചത്. വിവരമറിഞ്ഞ് കോതമംഗലം ഫയർഫോഴ്സ് സംഘം ഏറെ നേരം നടത്തിയ സാഹസികമായ പ്രവർത്തനം കൊണ്ടാണ് തീ അണക്കാനായത്. തീപിടിത്തത്തിന്‍റെ കാരണം വ്യക്തമല്ല.