മഹാകവി അക്കിത്തത്തിന്‍റെ ഭൗതിക ശരീരം തൃശ്ശൂർ സാഹിത്യ അക്കാദമിയിൽ പൊതുദർശനത്തിന് വച്ചു
അന്തരിച്ച മഹാകവി അക്കിത്തം അച്യുതന്‍ നമ്പൂതിരിപ്പാടിന്‍റെ മൃതദേഹം തൃശ്ശൂർ സാഹിത്യ അക്കാദമിയിൽ പൊതുദർശനത്തിന് വച്ചു. രാവിലെ 8.10 ഓടെ തൃശ്ശൂരിലെ സ്വകാര്യ ആശുപത്രിയിലായിരുന്നു കവി അക്കിത്തത്തിന്‍റെ അന്ത്യം. സംസ്ഥാന സർക്കാരിന് വേണ്ടി മന്ത്രിമാരായ എ സി മൊയ്‌തീൻ, വി എസ് സുനിൽകുമാർ, ചീഫ് വിപ്പ് കെ രാജൻ തുടങ്ങിയവർ ആദരാഞ്ജലികൾ അർപ്പിച്ചു. കവിയെ അവസാനമായി കാണാൻ നിരവധി ആളുകളാണ് സാഹിത്യ അക്കാദമിയിലേക്ക് എത്തിയത്. മൃതദേഹം ഉച്ചയ്ക്ക് രണ്ട് മണിയോടെ പാലക്കാട്ടെ വസതിയിലെത്തിക്കും.
Last Updated : Oct 15, 2020, 1:19 PM IST