Kabali Wild Elephant Thrissur: മുന്നില്‍ 'കബാലി', പരാക്രമവുമായി യുവാവ്; സംഭവം ആനമല അന്തർ സംസ്ഥാന പാതയിൽ - മലക്കപ്പാറ
🎬 Watch Now: Feature Video
Published : Oct 9, 2023, 3:29 PM IST
തൃശൂര്‍ :ആനമല അന്തർ സംസ്ഥാന പാതയിൽ കാട്ടാനക്ക് മുൻപിൽ യുവാവിന്‍റെ പരാക്രമം. ഞായറാഴ്‌ച(ഒക്‌ടോബര്‍ 8) വൈകുന്നേരം അതിരപ്പിള്ളി, മലക്കപ്പാറ അന്തർസംസ്ഥാന പാതയിൽ അമ്പലപ്പാറ ഗേറ്റിന് സമീപം വച്ചായിരുന്നു സംഭവം (Kabali Wild Elephant Thrissur). അമ്പലപ്പാറ ഗേറ്റ്‌ കഴിഞ്ഞു പെൻസ്റ്റോക്കിന് മുൻപ് കാടിനകത്ത് നിന്നും കബാലി എന്ന കാട്ടാന വാഹനങ്ങൾക്ക് മുമ്പിലേക്ക് ഇറങ്ങി വരികയായിരുന്നു (Wild tusker Kabali on road). ആന പ്രകോപിതനാകുകയും റോഡിൽ കിടന്ന കാർ കൊമ്പ് കൊണ്ട് ഉയർത്താൻ ശ്രമിക്കുകയും ചെയ്‌തു. റോഡിനു തടസമായി നിൽക്കുന്നത് കണ്ട് വിനോദസഞ്ചാരിയായ യുവാവ് കബാലിക്ക് അടുത്തെത്തുകയും പ്രകോപനപരമായ രീതിയിൽ പെരുമാറുകയുമായിരുന്നു. കെഎസ്‌ആർടിസി 'ഒറ്റയാന്‍' ബസിന്‍റെ ഡ്രൈവറുടെയും യാത്രക്കാരുടെയും സമയോചിതമായ ഇടപെടലിലാണ് കബാലിയെ കാട്ടിലേക്ക് തിരികെ അയച്ചത്. അതേസമയം മൂന്നാറില്‍ അടുത്തിടെ പടയപ്പ ബസ്‌ സ്റ്റോപ്പ് നശിപ്പിച്ചിരുന്നു. മൂന്നാര്‍ ചെണ്ടുവര ലോവര്‍ ഡിവിഷനിലാണ് പടയപ്പ എത്തിയത്. ഇവിടെ ഉണ്ടായിരുന്ന കൃഷിയും കാട്ടാന നശിപ്പിച്ചു. എസ്‌റ്റേറ്റ് ലയങ്ങള്‍ക്ക് സമീപമുണ്ടായിരുന്ന കൃഷിയാണ് കാട്ടാന നശിപ്പിച്ചത്. അരുവിക്കാട്, എക്കോപോയിന്‍റ്‌ ഭാഗങ്ങളില്‍ നിലയുറപ്പിച്ചിരുന്ന പടയപ്പ ഇവിടെ നിന്നും ചെണ്ടുവര ഭാഗത്തേക്കെത്തുകയായിരുന്നു.