കരുവാരക്കുണ്ടിൽ ശക്തമായ മഴയും മലവെള്ളപ്പാച്ചിലും; ഒലിപ്പുഴ കരകവിഞ്ഞൊഴുകുന്നു - കരുവാരക്കുണ്ടിൽ മലവെള്ളപ്പാച്ചിൽ

മലപ്പുറം: കരുവാരക്കുണ്ടിൽ ശക്തമായ മഴയും മലവെള്ളപ്പാച്ചിലും. കൽക്കുണ്ട്, കേരളാംകുണ്ട് ഭാഗങ്ങളിലാണ് മലവെളളപ്പാച്ചിൽ. ഒലിപ്പുഴ നിറഞ്ഞു കവിഞ്ഞൊഴുകുകയാണ്. ഉച്ചയോടെ(ഓഗസ്റ്റ് 27) തുടങ്ങിയ കനത്ത മഴ ശമനമില്ലാതെ തുടരുകയാണ്. മാമ്പറ്റപ്പാലത്തിന് മുകളിലൂടെയാണ് ഒലിപ്പുഴ കവിഞ്ഞൊഴുകുന്നത്. മഴ കനത്താൽ കൂടുതൽ പ്രദേശങ്ങൾ വെള്ളത്തിനടിയിലാകുമെന്നതിനാൽ ജനങ്ങൾ കനത്ത ഭീതിയിലാണ്.