ടയര്‍ പഞ്ചറായി മറിഞ്ഞുവീണ് ചരക്കുലോറി; ശീതളപാനിയ ബോട്ടിലുകള്‍ കടത്തി നാട്ടുകാര്‍ - അപകടത്തില്‍പ്പെട്ട ലോറിയില്‍ നിന്നും ശീതള പാനിയ ബോട്ടിലുകള്‍ കവര്‍ന്ന് പ്രദേശവാസികള്‍
ഹൈദരാബാദ്: അപകടത്തില്‍പ്പെട്ട ലോറിയില്‍ നിന്നും ശീതള പാനിയ ബോട്ടിലുകള്‍ കവര്‍ന്ന് പ്രദേശവാസികള്‍. തെലങ്കാന അബ്‌ദുല്ലപെര്‍മെട്ട് താരാമതിയില്‍ നടന്ന സംഭവത്തിന്‍റെ ദൃശ്യങ്ങള്‍ സാമൂഹ്യ മാധ്യമങ്ങളില്‍ വ്യാപകമായി പ്രചരിക്കുന്നു. ടയർ പഞ്ചറായതിനെ തുടര്‍ന്ന് ചൊവ്വാഴ്‌ച രാത്രി 7.30 നാണ് റോഡിലേക്ക് ലോറി മറിഞ്ഞുവീണത്. നിറയെ ലോഡുമായി പോവുകയായിരുന്നു വാഹനം. ലോറിയിലുണ്ടായിരുന്ന മുഴുവന്‍ ബോട്ടിലുകളും നാട്ടുകാര്‍ മോഷ്‌ടിച്ചു. പൊലീസെത്തിയാണ് ആള്‍ക്കൂട്ടത്തെ നിയന്ത്രിച്ചത്. അപകടത്തിൽ ലോറി ഡ്രൈവർക്കും ക്ലീനർക്കും നിസാര പരിക്കേറ്റു.
Last Updated : Feb 3, 2023, 8:22 PM IST