VIDEO | 'ഇവനെ ഞാൻ അകത്താക്കിയിട്ടേയുള്ളൂ...' ; ഉടുമ്പിനെ വിഴുങ്ങാന്‍ ശ്രമിച്ച് രാജവെമ്പാല, പണിപാളി - അനന്തമൂർത്തി മട്ടിഘട്ട

സിർസി (കർണാടക): ഇഷ്‌ട ഭക്ഷണം മുന്നിൽ കണ്ടാൽ ആരെങ്കിലും വേണ്ടെന്നുവയ്ക്കുമോ?. അതുതന്നെയാണ് ഈ രാജവെമ്പാലയും ചെയ്‌തത്. ഉടുമ്പിനെ കണ്ടപ്പോൾ മറ്റൊന്നും ആലോചിച്ചില്ല. തക്കം പാർത്തിരുന്ന് വിഴുങ്ങാന്‍ തുടങ്ങി. എന്നാൽ പണികിട്ടി. ഉടുമ്പിന്‍റെ വലിപ്പം കാരണം വായില്‍ കുടുങ്ങി. പഠിച്ച പണി പതിനെട്ടും നോക്കിയിട്ടും വിഴുങ്ങാനായില്ല. ഒന്നര മണിക്കൂറിലേറെ പരിശ്രമം തുടര്‍ന്നു. അവസാനം ശ്രമം ഉപേക്ഷിച്ച് ഉടുമ്പിനെ വെറുതെവിട്ട് രാജവെമ്പാല സ്ഥലംവിട്ടു. ഉത്തര കർണാടകയിലെ സിർസിയിലെ യാന ക്രോസിൽ നിന്നുള്ളതാണ് ദൃശ്യം. സിർസി സ്വദേശി അനന്തമൂർത്തി, രാജവെമ്പാല ഉടുമ്പിനെ വിഴുങ്ങാന്‍ ശ്രമിക്കുന്നത് തന്‍റെ ഫോണിൽ പകർത്തുകയായിരുന്നു. വീഡിയോ സമൂഹ മാധ്യമങ്ങളിൽ പ്രചരിക്കുന്നുണ്ട്.