ബിദായി ചടങ്ങിൽ വൈകാരികമായി സ്വര ഭാസ്‌കർ; കാണാം ദൃശ്യങ്ങൾ - Swara Bhaskar
ന്യൂഡൽഹി: ബോളിവുഡ് താരം സ്വര ഭാസ്‌കറിന്‍റെയും സമാജ്‌വാദി പാർട്ടി നേതാവ് ഫഹദ് അഹമ്മദിന്‍റെയും വിവാഹ ചടങ്ങുകളുടെ വീഡിയോകൾ സോഷ്യൽ മീഡിയയിൽ വൈറൽ. സ്‌പെഷ്യൽ മാര്യേജ് ആക്‌ട് പ്രകാരം ജനുവരി ആറിന് ഇരുവരും കോടതിയിൽ വിവാഹം രജിസ്റ്റർ ചെയ്‌തിരുന്നുവെങ്കിലും കഴിഞ്ഞ ദിവസമാണ് ബന്ധുക്കളെ ഉൾപ്പെടുത്തി മതപരമായ വിവാഹ ചടങ്ങുകൾ നടത്തിയത്.
മാർച്ച് 16 ന് ഡൽഹിയിൽ വച്ച് നടന്ന ചടങ്ങിൽ ഇരുവരുടെയും അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്. ബിദായി (വിടവാങ്ങൽ ചടങ്ങ്) ചടങ്ങിൽ പ്രിയപ്പെട്ടവരെ ഉപേക്ഷിച്ച് മറ്റേതൊരു വധുവിനെയും പോലെ തന്നെ വൈകാരികമായി ഭർതൃഗ്രഹത്തിലേക്ക് പോകുന്ന വീഡിയോയും സ്വര ഭാസ്‌കർ തന്‍റെ ഇൻസ്റ്റഗ്രാമിലൂടെ പങ്കുവച്ചിട്ടുണ്ട്.
2009-ല്‍ റിലീസായ 'മധോലാല്‍ കീപ്പ് വാക്കിങ്' എന്ന ചിത്രത്തിലൂടെയാണ് സ്വര ഭാസ്‌കര്‍ ബോളിവുഡിൽ അരങ്ങേറ്റം കുറിക്കുന്നത്. 'തനു വെഡ്‌സ് മനു' എന്ന ചിത്രത്തിലൂടെയാണ് താരം കൂടുതല്‍ ശ്രദ്ധ നേടുന്നത്. ചില്ലര്‍ പാര്‍ട്ടി, ഔറംഗസേബ്, രാഞ്ജന, പ്രേം രത്തന്‍ ധന്‍ പായോ, വീരെ ദി വെഡ്ഡിങ് തുടങ്ങിയവ ചിത്രങ്ങളിലെ സ്വര ഭാസ്‌കറിന്‍റെ വേഷങ്ങളും ഏറെ ശ്രദ്ധിക്കപ്പെട്ടിരുന്നു.
ALSO READ:സമൂഹമാധ്യമങ്ങളിൽ നിറഞ്ഞ് സ്വര ഭാസ്‌കർ - ഫഹദ് അഹമ്മദ് പ്രീ വെഡ്ഢിങ് ചിത്രങ്ങൾ