video| കടുവയെ ഓടിച്ചിട്ട് പിടിക്കാൻ കരടി, രണ്‍ഥംബോർ ദേശീയോദ്യാനത്തിലെ ദൃശ്യങ്ങൾ

രാജസ്ഥാനിലെ സവായ് മധോപൂരിലെ രണ്‍ഥംബോർ ദേശീയോദ്യാനം വന്യജീവികളുടെ വലിയ സങ്കേതമാണ്. ദേശീയോദ്യാനത്തിലെത്തുന്ന സഞ്ചാരികൾക്ക് പലപ്പോഴും വന്യജീവികളുടെ അപൂർവ നിമിഷങ്ങൾ കാണാൻ കഴിയും. കഴിഞ്ഞ ദിവസം അത്തരമൊരു അപൂർവ ദൃശ്യം സഞ്ചാരികൾ വീഡിയോയില്‍ പകർത്തിയത് ഇപ്പോൾ സാമൂഹിക മാധ്യമങ്ങളില്‍ വൈറലാണ്. ദേശീയോദ്യാനത്തിലെ റോഡിന് മറുവശത്ത് നിന്ന കടുവയെ റോഡ് മുറിച്ചുകടന്നെത്തിയ കരടി പിന്തുടരുന്നതാണ് ദൃശ്യങ്ങളിലുള്ളത്. ആക്രമണത്തിന് മുതിരാതെ കടുവ കാട്ടിലേക്ക് ഓടിക്കയറുന്നതും കരടി പിന്തുടരുന്നതും ദൃശ്യങ്ങളില്‍ വ്യക്തമാണ്.