64 ദിവസങ്ങൾക്ക് ശേഷം കർണാടകയിലെ ഹൈർബാഗ്‌വാടി ഗ്രാമം കൊവിഡ് മുക്തം
ബെംഗളുരു: ബൽഗാം താലൂക്കിലെ ഹൈർബാഗ്‌വാടി ഗ്രാമം കൊവിഡ് മുക്തം. ആദ്യമായി കൊവിഡ് റിപ്പോർട്ട് ചെയ്‌തതിന് ശേഷം ഏപ്രിൽ മൂന്ന് മുതൽ ഗ്രാമം സീൽ ചെയ്‌തിരുന്നു. ശേഷം ഗ്രാമത്തിലെ 48 പേർക്ക് രോഗം സ്ഥിരീകരിച്ചു. എന്നാൽ കഴിഞ്ഞ 28 ദിവസങ്ങളായി ഒരു കൊവിഡ് കേസ് പോലും ഗ്രാമത്തിൽ നിന്ന് റിപ്പോർട്ട് ചെയ്‌തിട്ടില്ല. ഇതോടെ കഴിഞ്ഞ ദിവസം ഗ്രാമത്തിലെ നിയന്ത്രണങ്ങളെല്ലാം നീക്കി. ഗ്രാമത്തിലെ എല്ലാ കടകളും ഇതിനകം ശുചീകരിച്ചു. പൊതുസ്ഥലങ്ങളിൽ ഗ്രാമീണർ കൃത്യമായ സാമൂഹിക അകലം പാലിക്കുന്നുണ്ട്.