വയനാട്:വൈത്തിരിയില്‍ വര്‍ധിച്ച് വരുന്ന വന്യമൃഗ ശല്യത്തിന് പരിഹാരം കാണണമെന്നാവശ്യപ്പെട്ട് ഒക്‌ടോബര്‍ മൂന്നിന് ദേശീയ പാത ഉപരോധിക്കുമെന്ന് ആക്ഷന്‍ കൗണ്‍സില്‍ ഭാരവാഹികള്‍ കല്‍പ്പറ്റയില്‍ വാര്‍ത്താസമ്മേളനത്തില്‍ പറഞ്ഞു. രാവിലെ 10 മണിക്ക് പഞ്ചായത്ത് ഓഫിസിന് മുന്‍വശത്താണ് ദേശീയ പാത ഉപരോധിക്കുക. മേഖലയിലെ വ്യാപാരികള്‍ കടകള്‍ അടച്ച് ഹര്‍ത്താല്‍ ആചരിക്കുമെന്നും ഭാരവാഹികള്‍ അറിയിച്ചു.
വൈത്തിരിയിൽ വന്യമൃഗശല്യം രൂക്ഷം: ദേശീയ പാത ഉപരോധിക്കാനൊരുങ്ങി ആക്ഷന്‍ കമ്മിറ്റി
മേഖലയില്‍ വര്‍ഷങ്ങളായി വന്യമൃഗ ശല്യം രൂക്ഷമാണെന്നും അതിനെതിരെ അധികൃതരുടെ ഭാഗത്ത് നിന്ന് നടപടിയുണ്ടായിട്ടില്ലെന്നും ഭാരവാഹികള്‍ പറഞ്ഞു. വര്‍ധിച്ച വന്യമൃഗ ശല്യം കൃഷി മേഖലയെ പ്രതികൂലമായി ബാധിക്കുന്നുണ്ട്. തോട്ടം തൊഴിലാളികള്‍ക്ക് ജോലിക്ക് പോകാന്‍ കഴിയാത്ത അവസ്ഥയാണുള്ളത്.