നീതി ലഭിക്കില്ലെന്ന് ഉറപ്പുണ്ടായിരുന്നു: സിസ്റ്റർ ലൂസി കളപ്പുര

സംസ്ഥാന വനിതാ കമ്മിഷന്‍റെ ഹിയറിങ്ങിൽ ഹാജരാകാതിരുന്നത് നീതി ലഭിക്കില്ലെന്ന് ഉറപ്പുള്ളതുകൊണ്ടെന്ന് സിസ്റ്റർ ലൂസി കളപ്പുര.

വയനാട്: നീതി ലഭിക്കില്ലെന്ന് ഉറപ്പുള്ളതുകൊണ്ടാണ് സംസ്ഥാന വനിതാ കമ്മിഷന്‍റെ ഹിയറിങ്ങിൽ ഹാജരാകാതിരുന്നതെന്ന് സിസ്റ്റർ ലൂസി കളപ്പുര. സഭാ അനുകൂലികളെ തൃപ്‌തിപ്പെടുത്താനാണ് വനിതാ കമ്മിഷൻ അധ്യക്ഷ എം.സി.ജോസഫൈന്‍ തനിക്കെതിരെ വിമർശനം ഉന്നയിച്ചതെന്നും സിസ്റ്റര്‍ ലൂസി പറഞ്ഞു. വനിതാ കമ്മീഷന്‍റെ ഹിയറിങ്ങില്‍ ഹാജരാകാന്‍ ആവശ്യപ്പെട്ടിട്ടും അതിന് തയ്യാറാകാതിരുന്ന സിസ്റ്ററുടെ നടപടിയെ കമ്മീഷൻ അധ്യക്ഷ നേരത്തെ വിമർശിച്ചിരുന്നു. കമ്മിഷനിൽ നിന്നും നീതി ലഭിക്കുമെന്ന് ഉറപ്പുണ്ടെങ്കിൽ ഇനിയും പരാതി നൽകുമെന്നും ലൂസി അറിയിച്ചു.