ഷഹലയുടെ മരണം; സര്‍വജന സ്‌കൂളിലെ വിദ്യാര്‍ഥികൾക്ക് കൗണ്‍സിലിങ് നല്‍കും

ഷഹല ഷെറിന് പാമ്പുകടിയേറ്റ ബ്ലോക്കിലെ മുഴുവൻ വിദ്യാർഥികൾക്കും കൗൺസിലിങ് നല്‍കാന്‍ സുല്‍ത്താന്‍ ബത്തേരിയില്‍ ചേര്‍ന്ന സര്‍വകക്ഷി യോഗത്തില്‍ തീരുമാനം.

വയനാട്: സുൽത്താൻ ബത്തേരി ഗവ.സർവജന ഹയർസെക്കന്‍ററി സ്‌കൂളിലെ വിദ്യാർഥികൾക്ക് കൗൺസിലിങ് നൽകാൻ തീരുമാനം. ഷഹല ഷെറിന് പാമ്പുകടിയേറ്റ ബ്ലോക്കിലെ മുഴുവൻ വിദ്യാർഥികൾക്കുമാണ് കൗൺസിലിങ് നല്‍കുക.

ഷഹലയുടെ മരണം സഹപാഠികളെ മാനസിക സമ്മർദ്ദത്തിലാക്കിയിരുന്നു. ഇതിനെ തുടര്‍ന്നാണ് കുട്ടികൾക്ക് കൗൺസിലിങ് നൽകാൻ സുൽത്താൻ ബത്തേരി നഗരസഭ സംഘടിപ്പിച്ച സർവകക്ഷി യോഗത്തില്‍ തീരുമാനിച്ചത്.