വയനാട്:രാഹുൽ ഗാന്ധി എം.പിയുടെ ഓഫിസ് അടിച്ചുതകർത്ത സംഭവത്തിൽ 19 എസ്.എഫ്‌.ഐ പ്രവർത്തകർ റിമാൻഡിൽ. ജില്ല പ്രസിഡന്‍റ് ജോയൽ ജോസഫ്, സെക്രട്ടറി ജിഷ്‌ണു ഷാജി എന്നിവരടക്കമുള്ളവരെയാണ് 14 ദിവസത്തേക്ക് റിമാന്‍ഡ് ചെയ്‌തത്. ഇതിനുപിന്നാലെ ആറ് പേരെ കൂടി കസ്റ്റഡിയിലെടുത്തു.
രാഹുൽ ഗാന്ധി എം.പിയുടെ ഓഫിസ് അടിച്ചുതകർത്ത സംഭവത്തിൽ 19 എസ്.എഫ്‌.ഐ പ്രവർത്തകർ റിമാൻഡിൽ
ഇതിൽ ആരോഗ്യ മന്ത്രി വീണ ജോർജിൻ്റെ മുന്‍ പേഴ്‌സണല്‍ സ്റ്റാഫ് അംഗം അവിഷിത്ത് കെ.ആറിനെ പൊലീസ് പ്രതി ചേർത്തു. സി.പി.എം പ്രവർത്തകരുടെ സമ്മർദം മറികടന്നാണ് പൊലീസ് നടപടി. അതിനിടെ ഡി.സി.സി ഓഫിസിൽ പ്രതിപക്ഷ നേതാവിൻ്റെ വാർത്താസമ്മേളനത്തിനിടെ കോൺഗ്രസ് പ്രവർത്തകരും മാധ്യമപ്രവർത്തകരും തമ്മിൽ വാക്കേറ്റമുണ്ടായി. ദേശാഭിമാനി ലേഖകൻ്റെ ചോദ്യത്തിലാണ് ഇവർ പ്രകോപിതരായത്.